Ace's Place in Space

2008-04-14T20:35:00.001Z

CBC889963BB46A4FE015D790D9F85941

blog.is

2006-04-09T14:01:00.000Z

Hef ákveðið að prufa nýtt blogg í einhvern tíma og sjá hvernig það gengur, er orðin ansi þreytt á stopulli þjónustu hérna á blogspot.

Nýja slóðin er asabjorg.blog.is

Þvílíki munaðurinn!

2006-03-30T12:26:00.000Z

Ég hefði átt að gera meira grín af því að ég var veik í síðustu viku. Ég er nefnilega veik heima. Er búin að vera heima frá því á þriðjudag og geri ekki endilega ráð fyrir að mæta í vinnu á morgun. Er s.s. komin með flensu. Þetta er svona 5 stjörnu flensa, allt innifalið. Byrjaði með hálsbólgu, sleni og örlitlum beinverkjum og hefur síðan þróast undanfarna daga yfir í gríðarlega spennandi kvefpest sem ég er sem betur fer aðeins farin að sjá framm úr enda er farið að ganga upp úr mér. Geðveikt!

Fór um síðustu helgi til Rvíkur. Lonni kom og sótti mig á völlinn og við rúntuðum aðeins, fórum að hitta pabba hennar og fórum síðan í búð og elduðum hjá henni og Baldri. Örn Aron bróðir hennar var líka hjá henni og við horfðum á Idolið, að sjálfsögðu. Svo keyrði Lonni mér til Dísu og Hilmars, þar sem ég gisti eins og vanalega. Þar var partý í gangi og endaði með því að öll hersingin fór á pöbbarölt, líka Ása. Daginn eftir fór brúðkaup Jönu og Skúla fram. Ég tók Dísu með og við sungum fyrir brúðhjónin. Var mjög gaman.
Kl. 11 á sunnudaginn komu svo pabbi og Salvör og sóttu mig og við fórum og fengum okkur súpu í brauði á Svarta kaffi. Yndisleg súpa eins og alltaf. Þau skutluðu mér síðan á flugvöllin þar sem ég tók 14 flugið til akureyrar. Var mjög gott að koma heim eins og vanalega.

Ég er náttulega með geðveikt samviskubit yfir að mæta ekki í vinnuna, enda af þeim 12 virku dögum sem ég hef verið í vinnu þá er ég búin að vera veik í 5 eða 6 daga. Ekki beint mest spennandi byrjun á starfsferlinum. En það er víst lítið við því að gera.

Ása Björg pestagemlingur

Munaður sem aðeins veitist vinnandi fólki!

2006-03-21T14:23:00.000Z

Sælt veri fólkið,

Fannst kominn tími á smá update frá mér enda hefur ekki heyrst frá mér frá því að ég sagði frá vinnunni minni.
Well í dag er dagur sem ég er að upplifa einn þann munað sem fylgir að vera vinnandi kona, ég er veik heima. Ef ég væri ekki í vinnu, þá væri ég bara veik punktur. En nei, ég er veik heima og reyndar ekki í fyrsta skipti frá því ég byrjaði að vinna heldur í annað sinn. Ég varð nefnilega veik á þriðja degi og varða að fara heim enda í svitakófi og svimakasti og óglatt og læti. Mætti síðan á laugardaginn og var alveg ágæt. Fór síðan í vinnuna í gær og var alveg ágæt en fór síðan að fá ýmis einkenni kvefs auk mikils hausverks. Í morgun þegar ég vaknaði var ég með hálsbólgu og hálfgert kvef og hausverk. Hálsbólgan hefur hins vegar með ótrúlegum hætti látið sig hverfa núna þegar klukkan er 14:26 árdegis meðan hausverkurinn situr sem fastast.

En nóg af veikindum mínum. Vinnan er ágæt, en vinnutíminn er í lengra lagi. Vinn frá kl. 8 til 18 með klst. í mat. Verð nú líka að viðurkenna að ég upplifði mig í einhverju 3ja heims ríki þegar ég gerði mér grein fyrir uppsetningu á vörunúmerum auk ýmiss annars sem tíðkast hjá Húsasmiðjunni. Þetta er vægast sagt sjokk eftir hreinræktarstefnu þá sem rekin er í Pennannum. Ég er held ég enn í sjokki. En kallarnir 3 sem ég vinn með eru yndælismenn og engu um þá að kvarta. Veit samt ekki alveg með þessa vinnu. Verð að gefa þessu aðeins meiri tíma áður en ég fer að lýsa yfir einhverjum æsingi á annan hvorn veginn. En það kannski segir ýmislegt líka.

Ása

Jamm

2006-03-13T18:52:00.000Z

IMG_0483, originally uploaded by Ása Björg.

Jæja börnin mín blíð og smá. Ég er búin að þekkja vinnuna í Húsasmiðjunni á Dalvík. Ég gat ekki beðið eftir svari frá Miðlun, enda eru þeir að auglýsa starfið sem ég sóttu um og verð ég því að álykta að ég hafi ekki heillað þá upp úr skónum. Að því sögðu þá er ég ekki búin að fá neitun frá þeim, en eins og svo oft kemur fyrir mig þá var ég sett í pressu með að svara í húsó og ég gat ekki sagt nei, með það í huga að ég fengi ekki hina vinnuna. Þá væri ég enn og aftur komin á byrjunarreit. Ég verð þá bara að taka á því ef þeir hafa samband frá Miðlun.

Svo að atvinnulausir dagar mínir eru að verða taldir í bili. Ég er svona bæði kvíðin og spennt. Það er ótrúlega þægilegt að vera engum háður og geta farið og komið eins og maður vill. Það er verra með peningahliðina samt! lol

Fékk alveg frábæra emila í dag, báðir frá ÁDÍ-ingum, annar þar sem var spurt hvað væri að gera fyrstu helgina í apríl og hvort væri stemming til að fara til Parísar. Síðan kom annar póstur frá Lullu ÁDÍ-ingi í Noregi hvort væri stemming fyrir ÁDÍ ferð til oslo aðra helgina í júní en hún er einmitt að fara að verja doktorsritgerð sína í Lyfjafræði. Ekki leiðinlegir kostir en ég veit ekki hvort maður er í aðstöðu til að fara, enda á ég ekkert sumarfrí! lol Kemur allt í ljós, væri svo sem ekki leiðinlegt að fara til Noregs enda er stutt frá Oslo til Kongsberg ;)

En alla vega hef ég störf mín fyrir Húsasmiðjuna á miðvikudag.

Ása Björg, vinnandi kona (alveg rétt bráðum)!

La La Napoule

2006-03-07T20:31:00.000Z

IMG_0219, originally uploaded by Ása Björg.

Jæja,

Kannski kominn tími til að blogga smá. Ætla að reyna að gera það í gegnum blogger.com en ef það gengur ekki þá fylgir einhver mynd með, þið vitið bara af því.

Ég hef einhvern vegin ekki haft neitt að segja undanfarið og því ekki nennt að hafa fyrir því að blogga. En nú loksins er kannski eitthvað að gerast.

Ég var s.s. í viðtali í dag fyrir ótrúlega spennandi starf. Það er inni á Akureyri. Þetta er starf sem myndi þjóna metnaði mínum, sem ég er búin að komast að að er harður húsbóndi. Ótrúlegt hvað hann getur stjórnað manni. Ýmsir kostir við þetta starf og jafnvel kostur að þetta myndi krefjast 6-8 vikna starfsþjálfunar í Reykjavík. Þannig að ef þið hafið 1-2 mínútur aukreitis þá megiði endilega senda jákvæða strauma til mín því mig langar virkilega í þetta starf.

Það er líka í farvatninu annað starf hérna á Dalvík. Ég er ekki búin að fá formlegt boð og ekki er alveg víst hvort þarf að auglýsa starfið eða ekki. Þetta starf stendur undir mörgum kröfum mínum sem ég fór af stað með. Þarna kæmist ég í tengsl við samfélagið og kynnist fólki. Ágætur vinnutími og sanngjörn laun. En... shit hvað ég væri til í hitt starfið.

Lífið á Karlsrauðatorgi gengur sinn vanagang. Það sem hefur kannski brotið þessa viku aðeins upp, fyrir utan viðtalið í dag, er að tengdamóðir mín er búin að vera veik frá því á föstudag. Hún er með skólagæsluna fyrir Dalvíkurskóla og einhver verður víst að hugsa um börnin, þannig að við skötuhjúin höfum staðið vaktina í Kofanum í gær og í dag. Það er gaman af þessum skinnum sem koma og þau eru ljúf og auðveld svona að mestu. Þetta er líka ágætis tilbreyting.

Ég var að gera mér grein fyrir því fyrir nokkrum dögum síðan að ég hef ekki unnið núna í að verða hálft ár! VÁÁÁÁ! Ég hætti s.s. hjá Pennannum í lok ágúst í fyrra. Og nú er kominn mars! En þetta er búinn að vera góður tími. Ég fór náttlega út í 2 mánuði og svona þannig að það er ekki eins og ég hafi verið bara að slæpast í allann þennann tíma en þetta er lengsti tími sem ég hef verið án atvinnu frá því ég lauk stúdentsprófi. Ég hef lengst hingað til verið atvinnulaus í 2 mánuði þegar ég hætti hjá John Lindsay og byrjaði hjá Pennannum.

Jæja, þá læt ég þetta duga í bili, kem með uppfærslu um leið og eitthvað bitastætt gerist, eða fyrr ef þetta dregst eitthvað. En ég á nú von á því að heyra af þessu fyrir helgi.

Ása vongóð

Aukavinnu, við viljum allir meiri aukavinnu!

2006-02-23T14:07:00.000Z

IMG_0398, originally uploaded by Ása Björg.

Tja, eða bara einhverja vinnu!
Fór í viðtal á mánudag, fæ ekki svar úr því fyrr en í næstu viku. Er að bíða eftir að vera kölluð í viðtal út af umsókn sem ég er með í gangi. Eitt starf í gangi sem er ekki búið að auglýsa. Fékk eina neitun í dag. Sótti um 2 störf, eitt í gær og annað í dag. Er s.s. með 1 viðtal og 4 umsóknir. Veit að ég verð boðuð í viðtal út af einni en viðkomandi er í útlöndum eins og er.

Núna hlýtur þetta að fara að gerast. Það bara hlýtur að vera. En þetta er svona þegar maður er með einhverjar kröfur. Það tekur alltaf dálítinn tíma að finna það sem hentar. Auðvitað gæti ég verið komin með einhverja vinnu í bakaríi eða sjoppu en þið sem þekkið mig vitið að það er ekki alveg það sem kellingin vill.

Og þá verður maður að hafa þolinmæði. En auðvitað reynir þetta á geðið og egóið. En ég er búin að standa mig nokkuð vel í þeim deildum held ég bara.

Er samt búin að vera að þjást of ljótunni undanfarna daga. Þið kvenkyns skiljið hvað ég á við, þetta tilfelli af ljótunni fylgir reyndar núna þessu mánaðalega og fylgir henni því alls kyns æxlamyndanir í andliti auk uppþembu og vatnssöfnunar. Mergjað.

Salvör systir ætlar að kíkja til mín um helgina, er í vetrarfríi þessi elska og ætlar að koma og kíkja á nýjasta fjölskyldumeðliminn. Hlakka til að taka á móti henni.

Dísa mín spurði í commentinu hvenær næsta sunnanferð væri fyrirhuguð. Eins og sakir standa þá er það ekki fyrr en 25. mars en þá er búið að bjóða mér í brúðkaup hjá Jönu og Skúla. Veit ekki til þess að ég komi fyrr en það er aldrei að vita.

Það var fjárfest í Buzz! hérna á Karlsrauðatorgi og við höfum setið sveitt við. Fyrir þá sem ekki vita þá er þetta PS2 spurningaleikur um tónlist. Sem hentar okkur báðum. Hann stendur sig betur í Oldies hlutanum en ég er betri í þessu nýja. Hef grínast með að ef hægt væri að steypa okkur í eitt þá værum við snilldarspilari.

Jæja, ætla að láta þetta duga í bili,
bæjó,
Ása

E.S. eina leiðin til að blogga í dag virðist vera í gegnum flickr þar sem blogger.com er ekki að standa sig í stykkinu. Þannig að þið þurfið bara að þola myndir með þessu öllu!

Frænkuboð og fleira

2006-02-19T22:19:00.000Z

IMG_0209, originally uploaded by Ása Björg.

Er búin að vera að reyna að posta þessu í allann dag, kannski gengur þetta svonar!

Jæja,

Þá er maður kominn heim í heiðardalinn aftur. Frúin skellti sér sem sagt í bæinn yfir helgina. Ég fór í bíl á föstudag með Himma, Gumma frænda og Kristjáni. Fínir ferðafélagar og allir bara sáttir, ég tók við keyrslunni í Staðarskála og keyrði í fjörðinn þar sem við skiluðum bílnum sem átti að fara í viðgerð. Ég lallaði mér síðan yfir til Aspar frænku og rak aðeins nefnið inn í nýju íbúðina hennar. Fór síðan í mat og dól til Lonni. Fékk náttulega aðeins að máta hana Þórunni Emilíu. Hún bara svona smellpassar alveg eins og síðast! ;)

Frábær kvöldstund en maður er nú alvarlega farin að efast um geðheilsu þeirra sem eru að kjósa í dólinu. Það er allt í lagi að eiga sína uppáhalds en þetta snýst um að finna söngvara sem getur sungið og gefið út plötu. Viðkomandi þarf líka að hafa ákveðinn sviðssjarma. Því miður er einn drengur sem heitir Eiríkur sem er algerlega að rústa þessari keppni. Hann er ekki slæmur söngvari sem slíkur en það er bara svo augljóst þegar allur hópurinn hefur sungið að hann er bara einum (ef ekki tveimur) klössum fyrir neðan hina í hópnum. En hann hefur sveitafélagið sitt á bak við sig og svo eru örugglega einhverjir aumingjagóðir sem kjósa hann líka. Þetta er leitt því meðan hann hangir inni þá detta út virkilegir talentar sem gaman væri að sjá meira af.

Fór eftir skandalinn til hennar Dísu minnar og fékk að gista. Reif mig á fætur kl. 9:30 og puntaði mig upp fyrir daginn og hringdi í Salvöru systur og við hittumst á Kaffi París og fengum okkur morgunmat. Fórum síðan í Seymu og keyptum í pils sem Salvör er að fara að sauma í skólanum. Síðan komu móðursystur okkar og sóttu okkur og tóku okkur með í frænkuboðið sem var nú einu sinni ástæða sunnanferðarinnar. Þetta var hreint út sagt æðislegt. Yndislegt að hitta þessar skemmtilegur frænkur, það eina sem hægt er að segja slæmt um þetta er að það var slæmt að ekki fleiri frænkur mættu. Vantaði nokkrar aðalega mína kynslóð. En svona er það bara. Vonandi bara að þær sjái sér fært að mæta næst! Takk elsku frænkur mínar fyrir frábærann dag og Ásdís sérstaklega fyrir góðar veitingar, rjómakakan var algert dúndur.

Þegar frænkuboðinu lauk ákvað ég að kíkja aftur til Aspar frænku og við fórum á stylinn og fengum okkur borgara. Horfðum síðan á Eurovision í lélegum gæðum. Ég skal nú viðurkenna að ég veit ekki alveg hvað mér finnst um þessi úrslit. Auðvitað vissi maður að Sylvía myndi taka þetta en maður var engu að síður að vona að fólk myndi sjá að sér. Ég er ansi hrædd um að það eigi margir eftir að fá alvarlega timburmenn þegar þeir gera sér grein fyrir hvað þeir hafa gert með því að senda þennann íslenska einkahúmor í Eurovision. Auðvitað hafa allir íslendingar skoðun á Sylvíu. Hvort sem þeir elska hana eða hata. En það er nefnilega málið, fyrir utan ísland er Sylvía Nótt bara enn eitt nobody-ið sem er dónaleg og truntuleg og ég er ekki svo viss um að hún verði neinn hittari þarna úti í Aþenu. En vonandi hef ég rangt fyrir mér.
En allavega eftir Euro fór ég heim til Dísu minnar og við horfðum á eina mynd og spjölluðum aðeins. Fór síðan að sofa um hálf fjögur. Vaknaði síðan tuttugu mínútur yfir átta og náði flugi norður kl. 9:30. Var ekkert gasalega hress þegar ég vaknaði og er frekar glöð að ekki var staðið við þá áætlun að kíkja út á lífið í gær. Sverrir minn kom svo og sótti mig á völlinn og við lögðum okkur aðeins þegar heim var komið.
Prins virðist ekkert hafa saknað mín, alla vega hefur hann ekkert leitað neitt sérstaklega til mín eftir að ég kom til baka. Maður kannski soldið sár en hann náttulega ekki búinn að þekkja mig nógu lengi til að sakna mín þó ég fari í 2 daga. En þeir höfðu það víst ágætt án mín feðgarnir.

Það er gott að vera komin heim. Ég er líka að fara í atvinnuviðtal á morgun og vonast eftir að fara í fleiri í vikunni. Vona að það gangi allt saman eftir.

Ása frænka

Prinsinn af Karlsrauðatorgi

2006-02-14T01:08:00.000Z

IMG_0394, originally uploaded by Ása Björg.

Jæja,
Við höfum komist að niðurstöðu um nafn á drenginn okkar.

Trommusóló takk... drumm, drumm, drumm!

Prins Dandandái skal hann heita og þakka ég henni Mörtu minni kærlega fyrir uppástunguna að nafninu Prins en Dandandái kemur úr bullmáli sem hún Nína systir Sverris bjó til. Enn sem komið er kærir hann sig kollóttann um hvað hann heitir og eins og konungsbornum köttum sæmir gefur hann nafnaköllum okkar engan gaum!

Hann er þó strax farinn að ríkja hérna á Karlsrauðatorginu og hefur lífið undanfarna daga soldið snúist um dýrið. Aldrei datt mér til dæmis í hug að það myndi gleðja svona mitt litla hjarta að köttur myndi skíta inni í þvottahúsi hjá mér, jafnvel þó það væri í kattarkassann! (Bara svo það sé á hreinu þá var gleðin tengd því að hann er greinilega að fullu kassavanur!)

Það verður þó að fylgja sögunni að þó hann sé karakter og gaman að honum þá er hann ekki alveg skarpasti hnífurinn í skúffunni!

Kveðja,
Lafðin af Karlsrauðatorgi

Fjölgun í fjölskyldunni!

2006-02-10T17:33:00.000Z

IMG_0363, originally uploaded by Ása Björg.

Jæja, það kom að því að það stækkaði fjölskyldan á Karlsrauðatorgi. Við fengum í dag þennann stórfallega 7 mánaða bengal fress. Ekki hefur verið ákveðið nafn á dengsa eins og er, en nokkur eru í valinu. Endilega ef þið hafið einhverjar hugmyndir um þetta látið í ykkur heyra! Þið finnið líka fleiri myndir af dýrinu á myndasíðunni minni!

4 Atriði sem þið vissuð eða ekki um mig!

2006-02-10T11:26:00.000Z

4 störf sem ég hef unnið við um ævina
Verslunarstjóri
Kassadama
Barþjónn
Glasabarn
4 kvikmyndir sem ég gæti horft á aftur og aftur
The Cutting Edge
High Fidelity
Clueless
The Matrix
4 staðir sem ég hef búið á
Hafnarfjörður
Reykjavík
Cannes, Frakklandi
Dalvík
4 sjónvarpsþættir sem mér líkar
Stårgate
CSI: Allar seríur
Charmed
Lost
4 staðir sem ég hef heimsótt í fríi
Vestfirðir
Frakkland
Ítalía
Svíþjóð
4 síður á netinu sem ég heimsæki daglega
nb.is
sverrir.tk
leikjanet.is
mbl.is
4 matarkyns sem ég held uppá
Enchilades með kjúklingi
Grænmetislasagne a la Ása Björg
Kjötbollur a la Sverrir
Gúllassúpa
4 staðir sem ég vildi heldur vera á núna
Í vinnunni (það er bara af því ég á ekki neina slíka)
Í litlu sjávarþorpi á Ítalíu
Í Amazon skóginum
Eyjunni Hvar í Króatíu (Bryndís tók svo geðveikar myndir þaðan, mig langar líka!)
4 aðilar sem ég klukka
Gunna mamma
Lonni Björg
Lilja Bryndís
Jana

Harður húsbóndi

2006-02-08T21:45:00.000Z

Jæja, þá hefur húsbóndinnn á heimilinu heimtað að ég bloggi. Ekki að ég viti hvað hann er að rífa sig, það er ekki eins og hann sé mjög tíður í sínu bloggi!

En nóg um það. Héðan úr Dallas er lítið að frétta. Lífið gengur sinn vanagang. Er að plana aðra bæjarferð annað hvort 16. eða 17. feb og er það vegna frænkuboðs sem fer fram þann 18. Mikið hlakka ég til að hitta frænkur mínar, þetta eru s.s. dætur og dótturdætur (móður)ömmu minnar og hennar systkyna, en þau voru 9 ef ég man rétt. Hér í eina tíð áður en Friðbjörg langamma dó þá voru haldnar stórar fjölskylduveislur og öllum boðið. Sá siður hefur því miður dottið upp yfir í seinni tíð, en þetta frænkuboð hóf göngu sína fyrir nokkrum árum og er það mjög gott að hitta þessar yndislegu frænkur alla vega 1 sinni á ári. Það er líka gaman að nýjar frænkur bætast inn í hópinn þegar þær ná 18 ára aldri.

Ég tók allt eldhúsdótið mitt frá Friðbjörgu frænku í seinustu ferð og vonandi næ ég að taka eitthvað fleira með núna, en óvíst er hvort við verðum með aukafarþega eður ei, svo það verður að koma í ljós. Ég get alla vega tekið eitthvað, vonandi. Það er samt þvílíkur léttir að hafa eldhúsdótið 'mitt' hérna, þó að Sverrir eigi flest þá er það ekki mitt og það er gott að geta sett minn svip á íbúðina og að 'eiga' eitthvað hérna, ekki vera bara eins og gestur.

Átti mjög langt samtal við Bryndísi systur núna í kvöld, ótrúlegt hvað hægt er að blaðra, en samt alltaf gott þó maður sé ekki að segja neitt merkilegt þannig. Ekki frekar en ég geri hérna, svona yfirleitt!

Ása Björg

Borg óttans

2006-02-01T22:32:00.000Z

Jæja, þá er maður kominn heim í sveitasæluna. Aldrei hef ég skilið hvað fólk hefur verið að tala um borg óttans en skil þetta núna, það var greinilega verið að tala um umferðina! Ég var bara hrædd. Ég man ekki eftir að hafa verið svona stressuð í umferðinni áður, en það hlýtur að vera að maður hafi bara verið svona samdauna. Ég er alla vega voða fegin að vera komin aftur til Dalvíkur þar sem ekki eru umferðaljós og ekkert hringtorgið heldur.

Átti samt góða daga í borginni. Fór í skírn hjá Lonniardóttur sem ber orðið í dag nafnið Þórunn Emilía Baldursdóttir. Fallegt nafn á fallegri stúlku.

Náði samt ekki að hitta alla sem ég ætlaði og bið ég ykkur afsökunar, ég reyni að ná á ykkur næst.

En mig langar líka að benda á að kílómetrafjöldinn er sá sami hvort sem ekið er suður eða norður!

Kveðja,
Ása Björg

E.s. fyrir þá sem ekki vissu þá fékk ég ekki starfið sem ég var að sækjast eftir, en það bíður bara eitthvað betra eftir mér.

Já.is

2006-01-19T20:10:00.000Z

Jæja,

Aldrei er maður ánægður. Fór eins og ég átti von á að mér var boðið starf hjá ja.is. Vandinn!? Jú, ég er líka að bíða eftir svari um annað starf sem er hérna á Dalvík og ég vildi helst af öllu vinna hérna. Bæði eru það leiðindi að þurfa að keyra klst. á dag á milli en einnig líka kostnaður. Og ég er ekki að komast inn í bæjarlífið. Mér finnst það nefnilega soldið mál, verandi utanaðkomandi að komst í tengsl við einhverja bæjarbúa, eignast vini og verða ' gegn meðlimur í samfélaginu'.

Ég hafnaði vinnunni.
Ég veit ekki hvort ég á eftir að sjá eftir þessari ákvörðun en hún hefur verið tekin til góðs eða ills. Ég á von á að heyra af hinni vinnunni fyrir helgi og vona að ég fái hana. En ef ekki... þá verð ég bara að verða agressívari, prenta út ferilsskrá og ganga í fyrirtæki bæjarins. Er samt að vona að ég fái þessa vinnu... plís, plís, plís, ráðiði mig.

Við sjáum til á morgun, þá er nefnilega nýr dagur!

Ása Björg

Það er eitthvað að...

2006-01-17T14:20:00.000Z

.. þegar ég er orðin einn af afkastamestu bloggurum sem ég þekki. Er ekki alveg sátt við liðið hvað það er slappt í fréttaflutningunum. Ég meina veit fólk ekki að ég bý úti á landi og mig vantar að fá smá tengingu við borgina.

Annars er það af mér að frétta að ég var í atvinnuviðtali í morgun og líka í svona pre-símaviðtali við ráðningarskrifstofu vegna annars starfs. Á von á að heyra frá báðum eftir helgi, vonandi fyrr. Veit að ég ætti að fá bæði störfin en nú er vandinn að ákveða hvort ég vil frekar. Auk þess sem ég var líka búin að tala við fyrrverandi kollega minn og hann er að ath með vinnu fyrir mig líka þannig að vonandi fer nú loksins eitthvað að gerast. Get ekki beðið eftir að komast í vinnu. Er ekki gerð til að gera ekki neitt.

En bið að heilsa í bili,
Ása

jazz

2006-01-13T18:28:00.000Z

jazz, originally uploaded by Ása Björg.

Jæja hérna er gripurinn, ég er mjög ánægð með hann. Enda hæfir hann mínu vaxtarlagi! lol

Er komið nóg?

2006-01-11T14:19:00.000Z

Ég er ekki vön að senda áskoranir eða slíkt á fólk en datt í hug að setja þennan tengil hérna ef einhver hefur áhuga.

Það jafnast ekkert á við Jazz!

2006-01-10T20:50:00.000Z

... og er ég þá að tala um Hondu Jazz en ég keypti mér einmitt einn slíkann í dag. Stúlkan er því komin á 4 rúllandi og getur farið hvert á land sem er.

Langaði bara að deila!

Ása Björg

Pistill

2006-01-09T18:45:00.000Z

Jæja, fannst kominn tími á smá pistil frá norðurlandinu.

Lítið að frétta svo sem. Er með 2 umsóknir í gangi og er sífellt að leita eftir fleiru. Er alveg að fara að sætta mig við að hugsanlega þarf ég að sækja vinnu á Akureyri. Önnur umsóknin er einmitt þar. En við sjáum til hvað setur.

Er vonandi að fara að festa kaup á bíl á morgun, ef allt gengur upp. Er á leiðinni í bæinn 27. janúar og verð einhverja daga, verð að sjá til hvort ég verð komin með vinnu. En ég mun alla vega verða á suðurlandinu yfir helgina. Hlakka til að sjá ykkur :)

kveðja,
ása björg

Dalvík 6. janúar

2006-01-06T12:16:00.000Z

IMG_0274, originally uploaded by Ása Björg.

Ahhh, yndislegt

Dalvík 6. janúar

2006-01-06T12:15:00.000Z

IMG_0273, originally uploaded by Ása Björg.

Yndislegt ljósið um kl. 11 í morgun,
Svona er útsýnið af svölunum hjá mér!

Gleðilegt nýtt ár!

2006-01-03T14:59:00.000Z

Gleðilegt ár lesendur mínir nær og fjær,

Lífið út á landi gengur sinn vana hægagang. Sitjum hérna í rólegheitum skötuhjúin, hann að glamra á gítarinn og ég að hamra á tölvuna. Áttum ágæt áramót. Borðuðum hjá tengdó, ása datt aðeins í það eins og henni er einni lagið. Fór síðan og sótti sveppinn á ballið sem hann var að spila á. Hann fylgdi mér síðan heim, enda veitti varla af. Var ansi glær á nýársdag. Ætla helst ekki að endurtaka þennann leik á árinu. Er soddan hænuhaus.

Fékk hringingu í morgun út af starfi forstöðumanns héraðs- og bókasafns Dalvíkurbyggðar og ég fæ þá vinnu ekki. En var að sækja um annað starf í gær og veit af því að það eru einhver fleiri í boði hérna svo ég er ekki farin að örvænta enn. Við ætluðum að fara í kaupstaðarferð í dag, en hættum við vegna roks. Förum bara á morgun.

Svona er lífið á landsbyggðinni í dag,
ása björg

Góðu jólin

2005-12-31T00:11:00.000Z

Jæja, lesendur nær og fjær,

Gleðilega hátíð, jólin hafa liðið með friðsemd og góðum mat. Áttum yndislegt aðventukvöld hjá mömmu og stjúpa Sverris. Systir hans, Jónina, og tilvonandi mágur, Elmar settu upp hringa á aðfangadagskvöld. Voða yndæl stund og manni vöknaði bara um hvarma. Voðalega sæt saman, til hamingju með það.

Kom út í gróða þetta árið.. lol
Fékk margar góðar gjafir, potta og pönnur, yndisleg náttföt (takk Friðbjörg og Anna þau passa akkurat), Matreiðslubók Nönnu og ýmislegt annað frábært dót. Takk kærlega fyrir mig.

Nú bíður maður áramóta, enda lítið sem gerist í atvinnumálum á þessum tíma. Verður ball í Víkurröst á morgun þar sem hljómsveitin Tvöföld áhrif, sem sveppurinn er í, spilar. Spúsan ætlar sér að sjálfsögðu að mæta og sjá sinn mann. Ætla að reyna að klína mér upp á systur hans og mág, sem er eina fólkið fyrir utan þá sem eru með honum í hljómsveitinni sem ég þekki hérna.

Er alveg að finna soldið fyrir fjarlægðinni þessa dagana. Að geta ekki kikkað sér bara í heimsókn til Lonni eða Dísu. Hef alltaf símann en það er ekki eins.

Er að bíða eftir að heyra með vinnuna. Búin að fara í 2 viðtöl, en af því þetta fer fyrir Íþrótta- og tómstundarráð og bæjarráð tekur þetta dálítinn tíma. Ég er samt með augun opin fyrir því ef eitthvað fleira er í boði því ef ég fæ ekki þessa vinnu. Tel til mikils að vinna að þurfa ekki að fara alla leið til Akureyrar að vinna þar. Er eftir allt einungis borgarpía og ef satt skal segja veit ég ekki hvort ég treysti mér til að keyra á milli í hvaða veðri sem er. Við sjáum til. Ég veit það vakir einhver yfir mér og sér mér fyrir því sem ég þarf.

Óska ykkur gleðilegs árs og góðrar heilsu,
Ása Björg

Ekki feimin... jólin!

2005-12-24T11:58:00.000Z

Kæru vinir og fjölskylda,

Gleðileg jól, gæfuríkt ár, þökk fyrir allt gamalt og gott.

Er í góðu yfirlæti á Dalvík og fékk morgunverð í rúmið og læti. Síðan verðum við hjá Hafdísi mömmu hans Sverris, verður margmenni þar því við verðum 8. Verður gæs og hamborgarhryggur. Verður nóg af öllu. Við vorum ábyrg fyrir eftirrétt, Sverrir bjó til ís og svo verða með því jarðaber og súkkulaði sósa.

Ég vona að jólin finni ykkur með frið í hjarta og bros á vör.

Ástarkveðjur,
afmælisbarnið

er alveg að gefast upp

2005-12-22T12:43:00.000Z

þessi blogger er alveg að fara með mig, er búin að reyna frá því á föstudag að blogga og ekkert gengur.

Ætla að finna mér nýja síðu og reyni að setja inn upplýsingar um það hérna um leið og það er komið í gegn

Allt i godu

2005-12-06T20:33:00.000Z

Jaeja,

Litid ad fretta af mer. Hvad er ad fretta af ykkur?

Folk eitthvad lelegt i blogginu thessa dagana. Eg reyni samviskusamlega ad fylgjast med en litid sem ekkert nytt kemur inn. Hmmm.

Eg hef thad mjog gott i London. Osp fraenka kom a sunnudagskvoldid og vid hofum verid ad spoka okkur adeins. Erum a mjog agaetu hoteli sem eg maeli med. Thad er reyndar ymislegt i gangi nuna thar, their eru nefnilega ad breyta en... thetta er flott svona frekar odyrt hotel a godum stad. Adal vandraedin hingad til hafa verid ad vid hofum ekki fengid heitt vatn i sturtunni og svo datt sjonvarpid ut i gaer og er ekki enn komin inn.. en vid komum nu ekki til ad horfa a sjonvarpid! Tad er lika buid ad gera vid sturtuna thannig ad mig hlakkar til ad fara i heita sturtu i kvold.
Eg for til Cambridge til Frikka og disanna hans a laugardag. Hitti seinustu vidbotina vid disirnar, hana Heiddisi, sem er au-pairin theirra. Vidkunnanlegast stulka og otrulegt nokk a hun tengsl vid Dalvik. Otrulegt hvad allir vegir liggja til Dalvikur thessa dagana. Atti alla vega mjog godann dag i Cambridge og reyndar nott lika thvi eg gisti hja theim. Sidan tok eg morgunlestina a sunnudag, nadi i dotid mitt a hostelid og tok leigubil a hotelid!!! Segidi svo ad madur laeri ekki af reynslunni. Osp kom lika med aukatosku med ser thannig ad vid aettum ad geta komist heim skammarlaust a fostudag.

En ja einmitt fyrir tha sem ekki vissu tha er eg ad koma heim a fostudaginn. Yahoo. Verd ad segja ad thetta hefur verid mjog godur timi. En eg er glod ad vera ad fara heim. Er buin ad gera thad sem eg 'atti' ad gera. En thad er reyndar ymislegt eftir sem eg 'tharf' ad gera. Enda er alltaf eitthvad sem bidur manns. :)

Eg bid enn fretta af Lonni og hvort hun er buin ad eiga. Og fekk lika frettir i dag ad hun Vigdis vinkona min (ADI) er olett og a ad eiga i mai (held eg se rett) og tha eru 2 ADI born a leidinni thvi hun Hrefna a ad eiga i april ef eg man rett. Allir bara olettir. Enda hef eg lengi haldid thvi fram ad oletta se bradsmitandi.
Eg er ekki olett!!!! Bara svona ef einhver las thad milli linanna!

En nu aetla eg ad lata thetta gott heita.

Bestu kvedjur fra London,
Asa

Hafidi heyrt thennann um...

2005-12-01T14:05:00.000Z

Thad riginir i dag. Godur dagur til a thvo fotin sin og svona. Sem eg og gerdi. Er buin ad vera litid i turistagrirnum. Manudagurinn for i slen eftir pislagonguna miklu. Thridjudagur for i Oxford street og almennt labb... ur tvi koma 1 bolur (jolabolur?) auk ymislegs annars. Gaerdagurinn for svo i ad labba Oxford aftur. Nu i theim tilgangi ad finna Ecco budina sem er a 445 Oxford street. Englendingar eda alla vega London buar trua ekki a ad merkja husin med numerum og tad tok mig dalitinn (lesist 3 timar) tima ad finna budina... en var reyndar med hlei fyrir hadegismat og sma budarap. Labbadi lika adeins um Bloomsbery og njosnadi adeins um hotelid sem vid fraenkurnar erum ad fara a. Litur agaetlega ut ad utan.. en thau gera thad reyndar flest. Thetta hefur samt framyfir morg onnur thradlaust internet og eg geri thvi rad fyrir ad eg geti farid ad skrifa a islensku aftur. Hryllingur ad thurfa ad hugsa svona mikid um hvernig madur skrifar hlutina an islensku stafanna.

Eins og adur sagdi tha tok eg daginn i dag i thvott. Ein thvottavel og 3 umferdir i thurrkaranum og thvotturinn varla thurr. En svona er thad bara. Kostadi 3.50 pund. Hlakka til ad geta thvegid fotin min 'fritt' thegar heim kemur. Og thurfa ekki ad bera thau fram og aftur. Eru samt bara 2 naetur eftir a hostelinu svo 5 a hotelinu og svo heim.. eda ja til Disu sem hefur samthykkt ad leyfa mer ad sofa hja henni.. eda heima hja henni thangad til eg fer nordur. Sa reyndar mjog spennandi atvinnuauglysingu i dag.. aetla sem minnst ad segja thangad til eg heyri meira en eg aelta alla vega ad saekja um. Sjaum til hvad gerist. Skilst ad stjornunar seu allar med mer ef hun Jenny personulega stjornufraedingurinn minn segir rett fra. Mjog godur fjarhagslegur timi framundan. Gaeti nattulega lika bara verid afsalid af ibudinni minni en eg aetla ad halda ad thad se ny vinna thangad til annad kemur i ljos.

'Asa i London

2005-11-28T22:25:00.000Z

Eg finn ekki ut hvernig a ad komast a messanger a thessari tolvu tannig ad eg akvad at skrifa bara. Dagurinn i dag var frekar threittur. Var einhver eldur a nedanjardarlestarstodinni sem eg atti ad fara a til ad komast a hostelid. Eftir ferdir fram og tilbaka i 1 og 1/2 klst komst eg loksins a leidarenda. Var samt ofbodslega threytt baedi vegna thess ad eg svaf litid sem ekkert i nott og lika af thvi ad draga thessi 29 kg min a eftir mer. Sem betur fer var fullt af mjog vingjarnlegu folki i undergroundinu sem hjalpadi mer ad fara med toskurnar upp og nidur troppurnar. Eg aetla aldrei ad ferdast med svona mikid aftur. Hefdi att ad senda megnid af thessu heim i posti. Gott ad vera vitur eftir'a. Hostelid er svo sem ekkert til ad hropa hurra yfir. Er soldid skitugt.. en eg aetla svo sem ekki ad vera ad borda mikid af golfinu thannig ad eg laet mer thetta duga. Tad er alla vega hreint a rummunum. Eg er alveg ad drepast ur threytu og buin ad leggja mig tvisvar i dag. Verd bara ofbodslega active a morgun. Eg er nuna ordin klst. a undan. Faerdi mig aftur um 2 klst vid komu til englands.

Það eru allir að verða vitlausir...

2005-11-27T17:08:00.000Z

... eða erum við bara rétt að fatta þetta núna?

You Are 60% Weird

You're so weird, you think you're *totally* normal. Right?
But you wig out even the biggest of circus freaks!

How Weird Are You?

Helvítis hríslan..

2005-11-26T20:31:00.000Z

Jæja, fórum ekki að sjá þegar kveikt var í hríslunni. Vorum búnar að versla frá okkur allt vit. Löbbuðum reyndar upp að kirkjunni, en vorum frekar snemma í því og nenntum ekki að bíða í klukkutíma eftir eftir kyndlagöngunni og íkveikjunni.
Ætlun að fara á morgun og sjá tréið upplýst. Nú er ég að komast á seinasta séns hérna í Kongsberg enda ætla ég að fara héðan á mánudag. Þarf að taka lestina héðan kl. 5 á mánudagsmorgun. Hlakka til að takast á við næsta áfanga ferðarinnar, enda þýðir það að ég er einu skrefi nær heimkomunni. Er samt voða ánægð með þessar seinustu 6 vikur og hefði ekki viljað hafa þetta öðruvísi... svona eftir á að hyggja.
En að jólagjöfum.. er s.s. búin að kaupa jólagjafir handa uppáhalds frænkum mínum tveimur þeim Mörtu og Ísabellu og uppáhaldsfrænda mínum honum Kormáki. Svo var líka búið að kaupa afmælis- og jólagjöf handa nýjustu uppáhaldsfrænku minni Snædísi Evu í Englandi en hún á einmitt afmæli núna 9. desember og verður þá eins árs.

Verð aðeins að minnast á Junior Grand Prix sem er söngvakeppni barna og unglinga í evrópu sem er verið að sýna í Norska rískissjónvarpinu akkurat núna. Hún Malin litla er að taka þátt fyrir hönd Noregs. Var verið að sýna þátt 'Malins sang' núna rétt fyrir útsendingu af því hvað hún Malin (9 ára) er búin að gera frá því að hún sigraði undankeppnina hérna í Noregi í júní eða júlí. Hún s.s. samdi lagið 'Sommer og skolafri' alveg ein (líklegt) og er þvílíkt númer núna. Nema snúum okkur að 'Malins sang'. Hún er s.s. búin að koma við á hverju einast elliheimili og krummaskurði í Noregi á síðustu mánuðum. Verð að viðurkenna eftir þessa stuttu viðkynningu þá er ég alveg búin að fá nóg af þessu blessaða lagi.
En keppnin er s.s. byrjuð og nú er Grikkland búið að flytja sitt framlag, Nicolai (ca 11 ára) frá Danmörku rappaði sig í gegnum sitt framlag og blikkað svo í lokin alger sjarmör. Og nú er það Slóvenía. Held við ætlum ekki að horfa á mikið meira. lol Magnað samt að Ísland taki ekki þátt... Ohh, jæja kannski næst.

Allt að verða klárt

2005-11-24T14:11:00.000Z

Jæja,
Þá er allt að verða klárt fyrir ferðina til Englands. Er búin að panta mér gistingu og er búin að vera að leita uppi allt það sem ég gæti farið, skoðað og gert í london. Ég ætla að gista hérna fyrstu 6 næturnar og svo hérna seinni 5 dagana þegar hún Ösp kemur. Verður örugglega fjör. Er búin að vera að finna ýmislegt að gera og fyrir þá sem eru að spá í London þá finnst mér þessi síða visitlondon.com vera ein sú besta sem ég hef fundið. Eins ef fólk er að leita að ódýru gistirými í London þá eru síður eins og studystay.com og eurocheapo.com/london mjög góðar og líta út fyrir að vera nokkuð traustar.

Það er náttulega ýmislegt hægt að bralla í London, og ekki síst núna þegar jólin nálgast þá eru náttulega jólaljósin út um allt og alltaf gaman að skoða þau, síðan eru líka jólamarkaðir og alls konar jólatónleikar og margir þeirra fríir. Ég held því að ég verði ekki í neinum vandræðum með að fylla daga mína af einhverju áhugaverðu.
Það er nóg að gera hjá Friðriki og Vigdísi, nóg að gera í vinnunni hjá þeim báðum, nýja au-pairin mætt á svæðið og gæti verið að amma væri að kíkja í heimsókn líka þannig að þau eru voða vinsæl þessa dagana. Ég ætla nú samt að sníkja eins og einn kvöldverð út hjá þeim, þó viðdvölin verði ekki lengri. Verður gott að sjá þau engu að síður.

Allt í einu þegar ég vaknaði áðan fór ég í geðveikt jólaskap. Fór að syngja í jólalög í huganum og þvílík gleði. Hlaut að koma að því, ákveðinn aðili sem búinn er að telja niður í jólin frá því það voru 80ogeitthvað dagar í þau, er búin að vera að tala um jólin í svipað langann tíma og það hlaut að koma að því að jólaandinn kæmi yfir mig. Það er líka verið að fara að kveikja í jólatrénu hérna í Kongsberg á laugardag og við ætlum að fara og horfa á það. Verður örugglega gaman. Á sama tíma er mig farið að hlakka til að koma heim og taka þátt í jólastuðinu þar. Verður samt tilbreyting frá því sem hefur verið þegar ég var að vinna dag og nótt nánast og kom rétt út til að anda þann 24.

Það er verið að skera og steikja laufabrauð á Hjarðarslóðinni á Dalvík í dag. Leiðinlegt að missa af því en það er alltaf næsta ár ;)

Kom að því

2005-11-21T13:38:00.000Z

.. að ég myndi gera upp hug minn hvenær ég ætla að koma heim. Hef ákveðið að ég kem ekki aftur heim! lol Nei, eiginlega ekki. Er alveg að kaupa hugmyndina um að koma heim sko og er að fara að breyta miðanum mínum á eftir. Ég ætla s.s. að koma heim 9. des. Hún Ösp frænka ætlar að koma út til að ná í mig til London og við ætlum að eyða nokkrum dögum þar saman. Verður örugglega geggjað. Fórum einmitt í svona London-fyrir-jólin ferð í fyrra og það var mjög gaman. Verður örugglega ekki verra núna þegar við vitum nokkurn vegin hvað við þurfum að gera aftur, og svo náttulega að finna fullt af spennandi nýjum hlutum.

Ég og Bryndís erum að fara í spa á eftir. Það er s.s. spa hérna á einu (eina?) hótelinu í Kongsberg og þangað ætlum við. Hún ætlar í svona aromatherepy og ég ætla í eitthvað ayurvedanudd sem á að losa um allar orkubrautir í líkamanum og læti. Vona bara að ég komi betri út úr þessu en ég fór inn. Við vorum einmitt að tala um hvað okkur fyndist svolítið ógnvekjandi að fara í eitthvað svona sem á að breyta eða bæta einhverar orkustöðvar eða brautir, ég meina hvað ég er ógeðslega stífluð og kem svo út og kemst að því að allt lífið hefur verið keyrt hingað til á 70% í stað 100%? lol Ekki að ég haldi að það verði niðurstaðan. En það er svona ýmislegt sem maður veltir fyrir sér. Eða ætti ég að segja veltir sér upp úr?!

Þessi tími hérna í Kongsberg hefur verið mjög góður. Rólegur með svona intense sálgreiningu inn á mili. Það er ótrúlegt að segja það eftir 26 ár og 11 mánuði að ég held að ég hafi ekki þekkt systur mína. Það er að segja ég held að við höfum kannski þekkst þegar við vorum litlar, en í svo mörg ár höfum við ekki átt í skap saman þannig að flest okkar samskipti hafa verið svona yfirborðs að mestu. Ekki að það hafi eitthvað verið slæmt. En allt í einu núna virðumst við báðar vera á stað í lífinu þar sem við finnum einhvern samhljóm hver með annarri. Við erum nefnilega ótrúlega ólíkar systur og höfum alltaf verið. En ég held að ákvörðun mín um að koma hingað núna hafi ekki verið byggð á neinni dillu. Ég átti að koma hingað núna, því núna erum við báðar tilbúnar til að heyra hvað hin hefur að segja, sem við vægast sagt höfum ekki hingað til. Það er gott að eiga systur, og hefur alltaf verið, en það er enn betra að eiga systur sem maður þekkir.
Það er nefnilega svo satt sem sagt er að maður velur sér vini en ekki fjölskyldu, og ég held að við Bryndís höfum báðar hingað til verið sammála um að ef við værum ekki systur þá hefðum við aldrei orðið vinkonur, við erum bara alltof ólíkar og við erum alltof líkar. Það er erfitt að umgangast fólk sem hefur að bera sömu ókosti og maður sjálfur.

Dýrt er það drottins orðið...

2005-11-20T00:02:00.000Z

.. eða í þessu tilfelli klippingin sem ég fór í í dag. En fyrir hana borgaði ég sléttar 450 NOK. Soldið dýrt. Ég setti líka myndir inn á síðuna mína af mér nýklipptri. Vinsamlegast segið ykkar skoðun, ég er enn að gera upp hug minn. Þetta var samt mögnuð reynsla að fara í klippingu í 'útlöndum'. Gaman að bera saman mismunandi klippistíla. Hérna gengur þetta s.s. út á, af reynslu minni að dæma, að mæla allt eftir auganu, og mikið gert fríhendis og er þá skærunum skellt inní hárið með óreglulegu millibili og úlnliðurinn hreyfður fram og aftur. En ég ætla nú að gefa þessu sjens þar til eftir fyrsta þvott. Verður yfirleitt allt öðruvísi eftir fyrsta þvott.

Ég gerði nú annað í dag líka, við fórum í búðina. Elduðum chili con carne (eftir minni), Þorri bróðir hans Styrmis kom í heimsókn og mat. Ég og Bryndís fórum á kaffihús, ég drakk cider og hún kaffi. Komum heim og horfðum svo á eina mynd. Nú sit ég hérna og blogga og tala við sveppinn minn á msn.

Ég er búin að panta mér far til London 28. nóv. Nú þarf ég að fara að hafa upp á fólkinu sem ég þekki í UK og panta mér tíma til að hitta það. Svo að sjá til eftir það hvenær ég ætla að koma heim. En það styttist í það með hverjum degi.

Fannst þetta fyndið!

2005-11-17T12:10:00.000Z

Viðskiptajöfur

Þú ert nýjungagjörn, yfirveguð félagsvera.

Það fyrsta sem viðskiptajöfurinn hugsaði þegar Ólafur og Dorrit trúlofuðust var hvaða áhrif það myndi hafa á gengi íslensku krónunnar. Honum finnst Donald Trump vera svalur... líka peningaklemmur. Hann ætlar, er, var eða vildi að hann hefði verið í Versló - en ekki söngleiknum.

Viðskiptajöfurinn tekur ákvarðanir með heilanum en ekki hjartanu og þarf að hugsa sig um þegar einhver spyr hann: "Peningana eða lífið!?" Hann hefur stáltaugar og getur lagt allt undir og í framtíðinni verður viðskiptajöfurinn annað hvort moldríkur - eða staurblankur.

Það er toppurinn að vera í teinóttu.

Hvaða tröll ert þú?

Jamm

2005-11-16T21:47:00.000Z

Lífið er ljúft, ég sef til kl. 11 á morgnanna. Fer í sturtu, klæði mig, fæ mér að borða og les.

Í dag fór ég síðan og hitti Bryndísi þegar hún var búin að vinna og við löbbuðum í asíubúðina. Þar keyptum við svartar baunir, nýrnabaunir og sveppi.
Fórum síðan heim og Styrmir eldaði kjúkling og grænmeti, með geðveikri sveppasósu. Og svo í eftirrétt var smoothie. Síðan var kveikt upp í arninum og nú snarkar viðurinn og huggó.

Við systurnar erum að plana spa dag á föstudag eða laugadag. Ég ætla að fara í Ayurveda nudd og hún í aromatherpie. Svo ætlum við báðar í andlitshreinsun. Verðum flottar-i eftir þetta.

Kongsberg

2005-11-15T12:04:00.000Z

Jæja,
Hér á undan (fyrir neðan) er bloggið sem ég skrifaði þegar ég var búin að ákveða að fara frá Cannes, fyrir þá sem hafa áhuga.

Ég er að njóta lífsins hérna í Kongsberg. Vaknaði kl. 11 í gær, dundaði mér við að setja í þvottavél, eldaði mér omelettu (þvílík sæla), fór í sturtu og á netið. Fór síðan í göngutúr um bæinn. Fann miðbæinn og kringlunna. Labbaði síðan niður með ánni, kom við í búðinni og síðan heim. Bryndís og Styrmir komu síðan heim og elduðu svínakótelettur og sætar kartöflur og það var bragð af matnum. Ég var hæstánægð.

Í morgun vaknaði ég kl. 10:45, fór í sturtu og eldaði mér omelettu, vaskaði upp. Hleypti Rán út, tvisvar, og sit nú við tölvuna og hamra og bíð eftir að kl. verði 2 en þá ætla ég að labba í vinnuna hennar Bryndísar og 'sækja' hana. Tekur ca. hálftíma að labba þangað. Það er fallegt veðrið hérna, en soldið kalt og örlítið rok. Ætti að vera hressandi að fara í göngutúr. Ég er enn að ákvðea hvenær ég ætla að fara til englands og hvað ég ætla að gera þar, en ég veit alla vega að ég fer til þeirra Frikka, Vigdísar og Snædísar. Ætla líka að hitta hana Völu annað hvort í Cardiff eða London. Svo býst ég við að ég komi heim. Nema einhver ætli að hitta mig í London!?

Blogg frá 10.10 ÁKVÖRÐUNIN

2005-11-15T12:03:00.000Z

10.10

Jæja góðir hálsar, það er ýmislegt búið að gerast frá því ég skrifaði síðast. Skólinn hefur gengið vel og veðrið hefur verið gott. Ég hef verið að hugleiða lífið, tilveruna og allt það undanfarna daga. Ég er búin að komast að eftirfarandi niðurstöðu. Ég ætla að yfirgefa Cannes.
Ok, ok, ok. Ég heyri ykkur úr hinum og þessum landshornum hvá yfir þessu. Leyfið mér því að útskýra. Ég lá uppi í rúminu mínu á þriðjudaginn að hugleiða [sjá byrjun texta!] og allt í einu skaut einni hugsun í kollinn á mér. Af hverju er ég hérna? Ég varð vægast sagt undrandi yfir að hafa hugsað þetta en leyfði mér að halda þessari hugleiðingu áfram. Ég gerði mér allt í einu grein fyrir því að ég hef ekki hugmynd um afhverju ég er hér. Ég veit afhverju ég fór frá Íslandi, en afhverju er ég enn HÉRNA? Ég er ekki með heimþrá og kysi helst að koma ekki heim alveg strax, en hvað er ég að gera í Cannes. Skólinn er ágætur og ég kann vel við mig, en ég gæti verið hvar sem er annars staðar. Ég fór því að hugsa hvað ég vildi gera ef ég væri ekki hérna.
Ýmsar hugmyndir komu upp í huga minn. Ein af þeim, og mín uppáhalds, var að ég gæti farið og heimsótt Bryndísi í Noregi. Ég gæti líka farið til Englands og heimsótt Friðrik og Vigdísi, mér datt meirað segja í hug að kíkja til Völu í Cardiff. Og allt í einu fattaði ég að ég gæti gert þetta. Allt þetta eða eitthvað allt annað. Það eina sem hindrar mig er mitt eigið ímyndunarafl. Ég hef því tekið þá ákvörðun að ég mun ekki vera hérna í Cannes í mánuð í viðbót. Og reyndar ætla ég að reyna að finna flug héðan um helgina. Þá ætla ég til Noregs til Bryndísar, sem mér hefur ekki tekist að heimsækja í þau 2 ár sem hún hefur búið þar, og þar sem hún kemur ekki heim um jólin þetta árið þá verður þetta eins og litlu jólin hjá okkur.
Ég veit að einhverjum ykkar gæti fundist þetta vitleysa í mér, en þið verðið bara að eiga það við ykkur sjálf. Ég held ég sé búin að skoða þetta mál frá þeim hliðum sem skipta mig máli og þetta er niðurstaðan. Það er ótrúlegt hvað maður hefur alltaf áhyggjur af því hvað öðrum finnst og hvað aðrir halda. Ég geri það alla vega. Ég var meirað segja að íhuga að vera hérna 2 vikur í viðbót bara svo enginn myndi segja neitt við mig. Svo ákvað ég að gera það ekki. Lífð er of stutt til að lifa eftir því sem maður heldur að aðrir séu að hugsa um eða fyrir mann. Ég veit ekki hvort einhver á eftir að líta á þessa ákvörðun mína sem auðvelda undankomuleið. Ég held hins vegar ekki. Auðveldast væri fyrir mig að vera hérna.
Ég held ég sé bara búin að fá út úr þessari dvöl minni hérna það sem ég þurfti að fá, eða eins mikið og ég get fengið hérna. Nú er mál að komast að því hvort ég er tilbúin að takast á við lífið eftir 'limbó' því lífið hérna í Cannes er ekki beinlínis í tengslum við raunveruleikann. Ég ætla því að leggja land undir fót og ætla að byrja í Noregi. Síðan fer ég til englands í lengri eða skemmri tíma. Ég ætla bara að spá í það eftir helgina. Mér liggur ekkert á. Ég geri hins vegar ráð fyrir að koma heim í desember, hugsanlega aðeins fyrr en ég ætlaði upphaflega.
Auðvitað er fullt af ástæðum fyrir því að ég er að fara héðan, en engin þeirra ef meiðandi eða sár. Ég held bara að ég sé tilbúin að takast á við hvað sem kemur næst.

Heja Norge

2005-11-14T01:58:00.000Z

Jæja, þá er maður mættur til frænda okkar norðmanna. Lenti í Oslo kl. 23:50. Á flugvellinum beið systir mín og mágur, þau komu á bíl. Nú er búið að búa um IKEA-beddann og Rán (kisa) er búin að hnusa af öllum töskunum mínum og prufa beddann, ég fékk ok á þetta allt.

En ætla að fara í háttinn. Skrifa meira síðar, nú þegar ég get farið á netið hvenær sem ég vil.

Ása

Flugvöllurinn í Nice er Harlem

2005-11-13T18:56:00.000Z

Ég ráðlegg öllum sem ferðast um flugvöllinn á Nice að vera við það búin. Þið getið lítið keypt hérna nema þið séuð milljónerar. 4 rándýrar búðir, 1 sjoppa sem selur samlokur á uppsprengdu verði 5€ fyrir 1 skitna samloku. Phuff. Er frekar sloppy. Ég myndi skammast mín ef þessi flugvöllur væri á Íslandi. Ég ætla ekki að tala um klósettin!

Skrifa meira þegar ég kem til Bryndísar.

Kveðja,
Ása Björg

Farvel France

2005-11-11T16:23:00.000Z

Jaeja bornin min blid og sma,

Nu eru tad storar frettir. Eg aetla ad yfirgefa france.

Veit ad margir verda hissa en eg er buin ad akveda mig og var ad panta mer mida til Oslo rett adan. Eg er nefnilega ekki alveg tilbuin ad koma heim. Eg er buin ad skrifa blogg tar sem eg utskyri tetta en tad er a tolvunni heima og eg er nidri i bae a netkaffi. Tad er ekkert serstakt sem kom upp a, mer lidur ekkert illa og tetta er ekkert storslys. Mig bara langar ekki ad vera herna lengur.

Eg mun reyna ad koma herna og utskyra betur tegar eg kemst til bryndisar, en vitid bara ad mer lidur vel go hlakka til ad hitta systur mina. Er svo med eina eda tvaer hugmyndir um hvad eg aetla ad gera tegar eg fer fra Bryndisi. En meira um tad sidar!

Kvedja,
Asa

1 til 7. nóv

2005-11-07T16:01:00.000Z

7.11

Hér sit ég úti í garði og pikka á tölvuna mína, enn einu sinni þegar ég ætla að fara í Cyberdromið eru 'báðar' fartölvutengingarnar uppteknar!! Alveg magnað fyrirbæri þetta Cyberdrome. Dagurinn í dag er ekki svo góður. Ég horfði á bíómynd til kl. 1 í gærkvöldi og ætlaði síðan að fara að sofa. Ég veit ekki hvað klukkan var nákvæmlega þegar ég sofnaði loksins en mig grunar að hún hafi verið um hálf fjögur. Er alla vega illa sofin og úrill og búin að vera í allann dag. Það er samt búið að vera gott veður hérna í dag og hitinn fór sjálfsagt upp í 25°C ( bara svona til að spæla ykkur heima!) Ég fékk þá rellu í hausinn í tímanum mínum eftir hádegi að mig langaði ekkert að læra frönsku. Veit ekki alveg hvert sú hugsun mun leiða mig en við sjáum til hvort þetta líður ekki hjá! Er eitthvað aum og lítil í mér og langar bara heim. Ætla að sjá til hvort ég get ekki fengið almennilegan svefn í nótt og hvort viðhorf mitt verði ekki betra á morgun. Er að hlusta á Sælgætisgerðina ef einhver man eftir henni, sælla minninga. Er að gera mitt best til að fá liðið hérna til að fíla íslenskt. Lét spila Mugison á barnum í gær og fólk fílaði það alveg. Er jafnvel að spá í hvort ég gæti ekki fengið mér vinnu við að fara á milli svona skóla og kynna íslenska tónlist. Væri sjálfsagt ekki mikill peningur í því en ég gæti kannski fengið frítt húsnæði og mat út á það. Annars veit ég ekki afhverju mér datt þetta í hug, enda langar mig bara heim núna. Hefur kannski eitthvað með það að gera að eitt af því sem hélt fyrir mér vöku í gær var tilhugsunin um að ég ætti ekkert heimili. Ekki það ég veit að ég er ekki á götunni. En... ÉG á ekkert heimili! Sama hvert ég fer þá verð ég ekki heima hjá mér! Þið skiljið, eða alla vega ekki til að byrja með. Tekur tíma að koma sér fyrir á nýjum stað og gera hann að sínum eigin. Myndin af Laufvanginum sat föst í huga mér, allt tómt og ekkert sem bar þess vitni að ég hefði nokkurn tíma verið þar. Ótrúlegt hvað skilgreinir mann.

6.11
Jæja, ekki búin að skrifa í nokkra dag. Lífið hérna í Cannes er komið í fastann farveg og dagarnir líða einn af öðrum. Mér líður vel og er sátt. Er búin að eyða tíma mínum í lestur og hangs og líkar það vel. Í dag fórum við, Jeanna, Alexandra, Christopher og ég, til Nice og fórum á Nýlistasafnið. Þar er núna sýning með verkum eftir Robert Rauchenberg. Áhugaverð sýning en ég hef því miður lítinn smekk fyrir ýmsum formum nýlistar. Mér likaði best við ljósmyndirnar hans. Einnig voru á ýmis verk eftir nútíma listamenn, mikið af amerískri list. Það voru mjög áhugverð verk eftir Niki De Saint Phalle, Yves Klein, Roberto Malaval auk hóps sem var starfræktur á árunum 1965-1980 undir nafninu Ecole de Nice [Skólinn í Nice]. Var ýmislegt áhugavert frá þeim hóp. Á heimleiðinni fann ég líka skó!!! Loksins, kostuðu aðeins 15€. Ég er búin að taka myndir og ætla að setja inn. Allt er orðið mér myndefni, er að reyna að gera frekar of mikið en of lítið af því að taka myndir. En ég hins vegar gleymdi að taka myndavélina með mér á listasafnið! Týpískt ég. Annars er eitthvað lítið að frétta. Ég keypti og las Harry Potter and the half-blood prince. Mjög sorglegt. Er líka búin að finna mér nýjan höfund, Christopher Rice (sonur Anne Rice sem skrifaði Vampire Chronicles). Var að klára The Snow Garden, mjög góð bók og spennandi.
Á morgun 7. nóvember verður komið 1 ár frá því ég og sveppurinn minn hittumst fyrst. Ótrúlegt hvað getur margt breyst á einu ári.

1.11

Þá er nóvember hafinn. Einungis rúmar 6 vikur eftir. Lol, fyndið að tala svona enda hef ég bara verið hérna í rúmar 2. En það er ótrúlegt hvernig tíminn líður hérna. Það var ótrúlega rólegt hérna á heimavistinni í dag, enda flestir að sofa af sér syndir gærdagsins. Ég hins vegar fór á fætur rétt fyrir 11, fór í sturtu, klæddi mig og fór í brunch. Tók mig síðan til rétt eftir 12 og labbaði í bæinn. Það var ýmislegt opið, þrátt fyrir að í dag sé almennur frídagur. Alla vega nóg af búðum sem ég gat eytt peningum í. Keypti mér 2 nærfatasett og 2 æfingabuxur. Skemmtilegast við þetta var þó að ég verslaði mér æfingarbuxurnar í Zöru, sem er í fyrsta skipti sem mér tekst að finna eitthvað sem passar á mig þar. Þær voru reyndar alltof síðar en Ása útsjónasama var að sjálfsögðu með ferðasaumasettið sitt með sér og ég sat því hér og föndraðist við að klippa neðan af báðum buxunum sem littlu samfallanlegu skærunum mínum. Mig vantar reyndar tvinna til að ég geti faldað þær en ég get alveg notað þær svona þangað til ég verð mér út um tvinna.
Það var gott veður hérna, enn einn daginn. Það var nú reyndar eitthvað að þykjast ætla að rigna þegar ég labbaði heim rétt eftir 3 en það varð ekkert úr því.

Enn einn furðulegur kvöldmaturinn leit ljós í kvöld. Í kvöld var boðið upp á Toulouse Cassarole. Mitt ráð til þín ef þú sérð þetta einhvers staðar á matseðli: Ekki panta þetta! Pottrétturinn samanstóð af eftirfarandi: bökuðum baunum, pylsum (ekki svona rauðar eins og við þekkjum heldur eitthvað líkara bratwurst), nokkrar sneiðar af einhverri medisterpylsu og 2 lamba(held ég frekar en nauta-)skankar. Það sló þögn á salinn þegar þessu var skellt á borðin, og undrunar og hryllingssvipurinn á fólki sagði allt sem segja þurfti. Baunirnar voru ágætar. En þessi seinasta kvöldmáltíð hefur sannfært mig algerlega að ég þarf að sækja um 1/2 pension hérna á vistinni, s.s. bara morgunmat og hádegismat, ekki kvöldmat. Ég hef verið að velta þessu fyrir mér og ég hef ekkert með það að gera að borða 2 heitar máltíðir, sérstaklega þegar hvorug þeirra er að mínu skapi. Ég get þá frekar bara keypt mér eitthvað grænmeti og etið eða farið út einhver kvöld. Ég get bara ekki meira af þessum mat.
Ég er að reyna að æsa fólk í að fara með mér eitthvert í næstu viku þegar enn einn frídagurinn er á föstudag 11. nóvember. Það væri svo tilvalið að leggja af stað á fimmtudagseftirmiðdegi eftir tíma og taka lest eitthvert annað hvort innan Frakklands eða til Ítalíu. Ég væri meir en til í að kíkja til Parísar, Flórens, Rómar eða Feneyja. Væri samt ekki eins skemmtilegt að þurfa að fara ein, en ég geri það ef enginn vill fara með mér. Enda ætla ég ekki að eyða 3ja daga helgi hérna á heimavistinni.
Ég er orðin uppiskroppa með lesefni og ætla að fara af alvöru að leita uppi bókabúðir. Hingað til hef ég fundið 1 bókabúð og hún seldi einungis bækur á frönsku! Mig vantar eitthvað á ensku. Ætla samt að snuðra hérna hvort einhver er ekki með eitthvað með sér enda er hér slatti af ameríkönum... spurningin er hins vegar hvort eitthvað af þeim lesi sér til dægrastyttingar.

Hrekkjuvaka

2005-10-31T21:08:00.000Z

Jæja, þá er hann kominn dagurinn sem ég hef beðið eftir allt þetta ár! Hrekkjuvaka!!!NOT!
Það er s.s. búningar og læti hjá ameríkönunum hérna og allt að verða vitlaust. Ég sit hérna inni í tölvustofu og hlusta á amerískt gæðarokk sem berst hér eftir öllum göngum. Var meirað segja svona Hrekkjuvökumatseðill í matsalnum í kvöld. Það var hrásalat (kál, laukur, epli og valhnetur), bollur (gat ómögulega áttað mig á því hvað var í þeim en ég held það hafi verið fiskur, je ne sais pas!), karrýkjúklingur, kartöflur og viðbrenndir maiskólfar. MMMMMMMM! Eða þannig og svo í desert brownies... s.s. með möndlum og látum, yahoo! Ég dauðöfundaði vini mína sem höfðu vit á að panta sér pizzur. En svona gengur þetta fyrir sig hér, ein hörmungarmáltíðin á eftir annarri. Það versta er samt þegar ég gríp mig í eftirmatsumræðum sem eru yfirleitt eitthvað á þessa leið.. 'fórstu í mat? Já! Ahh. Hvað var í matinn? Ég er ekki alveg viss, en það var hringlótt og svo voru kartöfulur. Já!? Og hvernig var? Ekki slæmt!' Og um leið og maður segir 'Ekki slæmt' áttar maður sig á því hvað standardinn hefur lækkað frá því sem hann var áður en maður byrjaði að borða í mötuneytinu.

En nú er verið að loka Cyberdrominu og á morgun er frídagur og allt lok, lok og læs. Veit ekki hvað ég geri á morgun, enda held ég ekki margt að gera því allt er lokað. Samt opnir veitingastaðir og slíkt þannig að ég geri ráð fyrir að maður fari kannski út að borða og svona. Sé til.

Bið að heilsa öllum heima, sem þið haldið að vilji kannast við mig!
lol
Ása

30.10

2005-10-31T20:21:00.000Z

30.10

Var að koma heim af tónleikum með Jimmy Cliffe. Fyrir þá sem ekki vita, og ég vissi ekki áður en ég mætti, er að Jimmy spilar reggie. Þetta voru bráðfínir tónleikar. Stórhljómsveit á bak við hann og Jimmy í fínu formi. Jimmy Cliffe er gamall reggie hundur og er víst sá sem 'uppgötvaði' Bob Marley og kom honum á framfæri. Sel ekki dýrara en ég keypti. Hann syngur líka lagið I think I can make it now the rain has gone (veit ekki titilinn) sem er úr einhverri kvikmynd sem mér er algerlega ómögulegt að muna en Cool Runnings kemur upp í hugann, þó ég haldi að það sé ekki rétt munað hjá mér.
Lífið hérna í Cannes er gott. Í dag vaknaði ég kl. 13, missti af brunchinum! Fór á fætur og skellti mér á ströndina þar sem ég dundaði mér til kl. 15:15 en þá fékk ég með göngutúr niður í bæ í hraðbankann og svo aftur til baka. Síðan lá ég á ströndinni í einn og hálfann tíma í viðbót. Það er með ólíkindum hvað ég þarf að þola til að ná smá lit. Jafnvel eftir útilegu mína í dag sést ekki litamunur á kroppinum á mér, þó að það hafi reyndar aðeins bæst í freknusafnið.
Ég man ekki hvenær ég skrifaði seinast svo ég segi kannski það sama og síðast en á miðvkudaginn fór ég til Nice. Ása hugrakka skellti sér ein í lestina og rambaði milli búða í leit að flíkum. Og loksins, loksins komst hún í H&M. Fann þar nokkrar ágætisflíkur sem ég tók myndir af og ætla að reyna að setja inn á netið. Því miður fann ég ekki neinar buxur. Það er ótrúlegt hvað stærðirnar hérna í Frakklandi eru litlar. Heima gat ég orðið keypt mér flíkur í 'venjulegu' deildinni. En hérna kemst ég ekki í neitt sem er í búðunum. Þarf eiginlega að finna út hvað stórar stelpur versla hérna í Cannes því ég hef enn ekki séð neinar búðir fyrir okkur sem erum breiðari en tannstönglar. En þetta hlýtur að koma. En s.s. ferðin mín til Nice gekk vel. Ég komst heilu og höldnu fram og til baka alveg ein. Skal samt viðurkenna að ég var svolítið óstyrk svona í fyrstu tilraun. En þetta er ekkert mál og ég gæti alveg hugsað mér að fara aftur þó að það sé nú reyndar alltaf skemmtilegra að fara með einhverju.
Við fórum ekki til Mónakó á föstudag. Eftir versluarferðina mína til Nice varð ég veik á fimmtudag. Held að það hafi verið allt þetta ráp inn og út úr loftkældum búðunum. Ég alla vega fór úr tíma á fimmtudag, ógeðslega óglatt og með hita og var ekki í neinu sérstöku formi í gær þannig að við ákváðum að fresta ferðinni. Það var allt í lagi. Við fórum hins vegar út á borða á Palm Square sem er hinum megin við götuna frá Palais de Festival þar sem kvikmyndahátíðin í Cannes er haldin. Var virkilega þægilegt andrúmsloft og góður matur. Ég var samt komin heim rétt fyrir miðnætti.
Salvör og pabbi hringdu í mig á fimmtudaginn. Var gott að heyra í þeim. Ég hef verið að hugsa til ykkar allra heima og langar að hringja en þar er dýrt. Með 15€ símakorti fæ ég 35 mínútur til íslands þannig að það er ekki beinlínis praktíst fyrir mig að hringja. Ef fólk hins vegar hefur áhuga á að hafa samband við mig má alltaf senda email á asabval@gmail.com. Eða jafnvel senda mér bréfpóst en þá er heimilisfangið:

International Collége de Cannes,
c/o Ása Björg Valgeirsdóttir,
1, Rue du Dr. Pascual,
06400 Cannes
France

Síminn hérna er +33 493 473 929, það má ná í mig utan tíma, s.s. milli kl. 15:30 og 23:00 á mínum tíma, en klukkan í Frakkland er +1 klst. Það er samt betra að senda mér sms áður svo það sé öruggt að ég sé á heimavistinni.

2005-10-25T16:10:00.000Z

25.10

Í dag var erfiður dagur. Ekkert sérstakt í gangi en bara eitthvað döpur og þreytt. Hef ekki sofið vel undanfarnar nætur, vakna í sífellu og hef haft martraðir. Held ég verði að fara að finna mér eitthvað að gera sem krefst einhverrar orku. Ég ætla að reyna að fara til Nice á morgun og kaupa mér æfingarbuxur og byrja að labba á morgnanna. Hef svo sem ekki margt annað að gera. Við, ég, Paula og Elisabeth erum að spá í að kíkja til Mónakó á föstudag eftir hádegi. Verður örugglega gaman ef af verður. Fórum í gær til St. Tropé aftur, á bílnum hennar Paulu. Það var mjög gaman. Þær slepptu sér í skóbúðunum en ég var voða stillt! Ætla samt að reyna að kaupa mér fínni skó á morgun ef ég finn einhverja. Það er yndislegt veður í dag. Sól og hlýtt. Ég var að koma af ströndinni þar sem ég stóð í flæðamálinu og lét öldurnar leika um fætur mér. Yndislegt að finna aðdráttaraflið að verki.

23.10

1 vika liðin frá því ég kom hingað. Þetta er búin að vera löng vika. En að sama skapi skemmtileg. Ég er búin að kynnast mörgu ágætisfólki.
Fór í gær til St. Tropé. Átti að vera skipulögð ferð, en leiðsögumennirnir okkar ákváðu að hætta við vegna rigningar. Við hins vegar ákváðum að fara á eigin spýtur. Við vorum 6, ég, Raphael, Nadia, Alex, Anita og Claire. Við skemmtum okkur vel og veðrið spillti ekki. Að komast til St. Tropé héðan tekur um 1 klukkustund og 40 mínútur og veðrið þegar við komum þangað var mjög gott. Það er verið að loka búðunum í St. Tropé fyrir veturinn og því voru útsölulok. Það er samt frekar dýrt að versla þarna. En það er gaman að labba þarna um, en væri sjálfsagt skemmtilegra ef einhver væri til að benda manni á það sem áhugavert er, við löbbuðum bara verslunargöturnar fram og tilbaka og fórum síðan heim. Claire náði að kaupa sér fingravettlinga, en þar með voru innkaup hópsins upptalin. Lol.
Í gærkveldi fórum síðan ég, Nadia, Claire og Raphael út að borða á The Italian Café sem er hérna við strandgötuna u.þ.b. 10 mín frá skólanum. Var mjög gaman en mig svimaði svo rosalega, held að það hafi verið svona seintekin sjóriða, að ég fór bara heim eftir mat. Nadaia og Claire fóru hins vegar á bæjarrölt. Samkvæmt slúðrinu við brunchborðið þá var MJÖG skemmtilegt hjá Nadiu, á eftir að heyra í henni á morgun. lol Líður eins og ég sé 14 einu sinni enn. Tíhí, hver kyssti hvern!?

Nýjast hernaðaráætlunin til að komast í H&M er að fara eftir tíma á miðvikudag, þá er ég bara í morguntíma og er því búin kl. 12. Það er opið í búðunum í Nice til 19:30 þannig að ég ætti að komast til að versla aðeins. Eins og flestir vita þá er ég ekki sú mesta fatafrík sem fyrirfinnst, en... Ég er bara búin að vera hérna í viku og ég er að íhuga að fara í aðra ferð mína í þvottahúsið í dag og ég fór á miðvikudag!! Það gefur auga leið að ég verð að gera eitthvað, það er alveg max að þvo þvott 1 sinni í viku fyrir 1 manneskju. Vandamálið hérna er að það er svo rakt að ég svitna og svitna. Ég fer því ekki í sömu fötin 2 daga í röð sem ég hefði hiklaust gert heima. Þess vegna er alveg það minnsta að eiga föt fyrir fleiri en 4 daga!

Það er ágætis veður hérna í dag, er sól og léttskýjað þannig að það dregur fyrir sólina af og til, en það gæti vel verið veður fyrir ströndina. Held það bara. Andy, Jin, og Hung (kóreskar) buðu mér að koma með sér á ströndina á eftir, fer kannski með bókina mína og sit aðeins á ströndinni. Sé til hvort ég get ekki allavega orðið útitekin. Það er nú alveg það minnsta finnst mér. Ég á líka eftir smá heimavinnu, þannig að ég reyni kannski að klára hana svo ég þurfi ekki að gera hana í kvöld! lol 7 ár frá því ég hætti í skóla og enn að klára heimavinnuna á sunnudegi! Ótrúlegt hvað sumt breytist aldrei.

Ég skil loksins núna afhverju allir töluðu um brunch um helgar með slíkri lotningu. Fór í mitt fyrsta brunch í hádeginu. Mætti hóflega bjartsýn, enda hefur framboðið hingað til ekki staðið neitt sérstaklega undir mínum væntingum. En alla vega ég mæti. Það er þetta vanalega morgunkorn og brauð, en nú eru líka croissont og bain du chocolat sem eru úr sama deigi og croissantin en með súkkulaðistöngum í. MMM, góður morgunmatur eða svoleiðis. Þarf vart að taka fram að ég ákvað að sleppa þessum dýrindisveigum. En alla vega þá voru líka skinkusneiðar þarna þannig að ég fékk mér minn vanalega morgunmat sem eru bran flakes og vatnsglas og bætti við einni skinkusneið svona til hátíðarbrigða. Ég er hálfnuð með skálina mína þegar ég fatta allt í einu að 1 eldhússtúlkan er að labba í sífellu framhjá mér með diska með einhverju á. Hmm! Svo allt í einu fatta ég þegar hún kemur að borðinu mínu með pöntunarblokk að það er hægt að panta hjá henni og þess vegna var mappa á borðinu. Þannig að ég pantaði ommelettu með sveppum og osti. Nammi, ég hefði getað kysst hana þegar hún kom með diskinn minn. Eftir 6 daga af bran flakes og vatni fékk ég loksins eitthvað almennilegt. Hér eftir ætla ég ekki að missa af einum einasta brunch. Og hér eftir slepp ég við morgunkornið um helgar. Yahoo. Ótrúlegt hvað þarf lítið til að gleðja manns litla hjarta!

Myndir

2005-10-20T20:02:00.000Z

http://www.flickr.com/photos/asabval/

Myndir

2005-10-20T20:01:00.000Z

www.flickr.com

This is a Flickr badge showing public photos from Ása Björg. Make your own badge here.

Kæra dagbók!

2005-10-20T19:29:00.000Z

ATH! Er í öfugri röð!! fyrsti dagur neðst etc..

20.10
Það er alveg magnað hvernig tíminn líður. Í raun er hann að sjálfsögðu einungis til sem hugmynd hjá mannfólkinu. Tíminn. Sekúndur, mínútur og klukkustundir. Mér finnst ég hafa verið hérna lengi en í raun eru einungis 6 dagar frá því ég fór frá Íslandi. 5 dagar frá því ég kom til Cannes. Ég er hægt og rólega að laga mig að lífuni hérna á heimavistinni. Ég hleyp eins og djöfullinn sé á hælunum á mér milli herbergisins míns og sturtunnar í þeirri von að enginn sé á göngunum þegar ég fer þar á milli. Hingað til hefur þetta gengið án óhappa. Ég hef hins vegar þann leiða ávana að skilja alltaf sjampóið mitt eftir í sturtunni og þarf síðan að sækja það þegar ég loksins man eftir því. Til allrar hamingju hefur engum dottið í hug að leggja hald á það.
Ég átti ágætann dag í gær. Einungis morguntími og svo frí í eftirmidaginn. Það bættist í hópinn í gær þegar Paula frá Dallas, Texas kom. Hún býr hérna í Cannes er nýgift manni frá Dubai. Mér skilst að hann sé konungborinn. Hún talar ágæta frönsku en vantar alla málfræði og þess vegna er hún með okkur í 1 hóp. Við fórum eftir tímann, ég og Paula, og fengum okkur hádegismat á einum veitingarstaðnum niðri við ströndina. Það væri ekki orðum ofaukið að segja að við náðum vel saman. Sjaldan og jafnvel aldrei hef ég hitt manneskju sem hefur komist inn að kjarna mínum á jafn stuttum tíma. Það var gott að tala við einhvern sem skilur hvað maður er að tala um og hefur þroska til að ræða málin. Hún hefur sín viðfangsefni líka þannig að þetta var nú ekki alveg einhliða. lol Ég vona að við eigum eftir að eiga fleiri slíka fundi. Hún var að tala um að hún vissi um líkamsræktarstöð hérna nálægt og kannski kíkjum við á það í næstu viku. Hún er reyndar í svolítið öðrum klassa en yðar einlæg, fyrrverandi yfirmanneskja hjá ekki ómerkari fyrirtækjum en Nokia og Pepsi. En býr nú bara með mill(jarða?)jónamæringum manni sínum. Ekki að ég finni fyrir einhverri minnimáttarkennd en það væri nú ekki amalegt að kynnast svona manneskju sem hefur alla þessa reynslu og sambönd ;) lol Eftir hádegisverðinn sem endaði um 3 leytið kom ég heim á herbergi og lagði mig! lol Hef gert nokkuð af því, kom í ljós að þetta var góð áætlun því stúlkan í næsta herbergi sat á spjallinu til kl. 1:30 í nótt og ég var því frekar úldin og illa sofin í morgun, enda svaf ég 'yfir' mig og vaknaði ekki fyrr en kl. 8. Rétt með nægan tíma til að henda mér í föt og í morgunmatinn. Engin sturta. Ekki góð byrjun á degi. Í gær rigndi líka eins og hellt væri úr fötu. Og í morgun og í dag hefur verið léttur úði. Eftir seinni tímann minn fórum við Elisbeth hin norska fótgangandi í bæinn. Ég kíkti í nokkrar verslanir. Fann nú ekki mikið nema handklæði sem mig vantaði og ritföng. Nú skal skrifa bréf... og glósur! :) Ójá, og þá hræðilegustu regnhlíf sem ég hef nokkurn tíma átt! Ætla að reyna að setja inn mynd af henni á eftir. Hún er algert brill og kostaði einungis 4€ sem var það ódýrasta sem fékkst.
Ætla að reyna að komast í Le Cyberdrome á eftir og setja inn þessar færslur og kannski að reyna að koma myndunum eitthvert þar sem þið getið skoðað þær. Sjáum til hvernig það gengur. Í kvöld er líka eitthvert svissneskt kvöld og því verða Crépe í boði á 'le Bar' á eftir. Ætla að kíkja á það á eftir kannski. En nú að fara að hyggja að ferðinni í le CB. A bien tôt!

18.10
Erfitt að trúa að 2 dagar séu búnir af skólanum. Fyrsti dagurinn fór í að raða okkur í hópa eftir getur. Óþarfi að nefna að ég bað um að fá að byrja á byrjun. Hefði kannski getað farið í hóp 2 en held að það sé best að byggja alveg frá grunni, enda nokkur ár frá því ég var seinast að vasast í frönsku. Ég er með 2 kennara,fyrir hádegi og eftir hádegi. Ég fór í fyrsta tímann eftir hádegi í gær, en ég verð alla mán, þri og fim frá 13:30 til 15:30 hjá Christine. Hún kennir okkur málfræði og slíkt. Síðan er alla morgna frá 9 til 12 taltímar hjá Nadine. Hún er lítil hnellin kelling. Talar mjög skýrt og hægt svo að maður skilur hana mjög vel. Það eru ekki allir í tímum eftir hádegi og þess vegna eru þetta 2 hópar sem ég er í. Fyrir hádegi erum við 8. 2 íslendingar, englendingur, finni, norðmaður, japani, úkraníumaður og filipseyjingur. E.h. eru ég, englendingur, rússi og norðmaður. Var líka ein frá filipseyjum en hún færðist upp um bekk í dag.
Ég hélt að ég yrði eini íslendingurinn hérna en þegar var verið að lesa saman bekkina í morgun heyrði ég þá kalla upp einhverja -dóttir aðra en mig, kemur þá í ljós að þetta er 16 ára stúlka sem heitir Jóna og er frá Neskaupsstað. Hún er hérna að æfa með blakliði í Cannes og var að byrja að læra frönsku. Ég skal alveg viðurkenna að þó að ég var búin að segja að ég vonaði að það yrðu engir íslendingar hér þá kom svona smá léttir í mitt hjarta að geta tjáð mig á mínu ástkæra ylhýra máli. Hún býr heldur ekki hérna í skólanum heldur í húsnæði með öðrum stúlkum úr blakliðinu. Þannig að þetta er ánægjulegt. Fattaði ekki hvað ég myndi sakna þess að tala íslensku, enda reyni ég að tauta nokkur frönsku orð á dag og tala ensku þess á milli. Hef þó getað skotið inn nokkrum sænskum orðum, enda er hérna einn eldri sænskur maður, 1 sem er hálf sænsk, hálf svisslendingur og ein au pair stúlkan sem ég hitti á sunnudag er líka svíi. Hver veit nema að ég komi tilbaka altalandi á sænsku og ensku... bíð með að dæma um frönskuna.
Á morgun er ég bara í morguntíma og ég og Elisabeth (norska) ætlum til Nice í H&M. Er mikið farið að langa í sokka og nýjan brjóstahaldara. Svo ekki sé minnst á handklæði enda skildi ég öll slík eftir á íslandi og hef verið að fara mína daglegu sturtu með slå-om-sig slæðunni minni og hún er aðeins farin að láta á sjá! lol
Ég veit, ég veit. Maður pakkar niður handklæði en ég hélt í alvöru að það yrði ekki stórmál að komast yfir eins og eitt handklæði hér á sólarströndinni. Ekki svo gott. En það kemur allt á morgun.
Ég er búin að kynnast mörgum hérna, hér kemur svolítil uptalning fyrir sjálfa mig svo vinsamlegast skrunið yfir ef þið viljið,

Raphael, Alex, Nadia, Giovanne (Sviss), Anne, Jin (Kórea), Jeannette, Katy, Tanya (Þýskaland), David (Liverpool!), Alex, Caroline (Filipino), Ékatarina (Rússland), Elisabeth, Mia (Norge), Inga (finnland), Larry, JOhn, Jessie, Jean, Claire, Lindsay (usa), Carl, Marie (Svíþjóð)... svo ekki sé minnst á alla sem ég er að gleyma!

En það er kominn matartími hérna, svo ég ætla að sjá hvaða cousine þeir eru að bjóða upp á í kvöld! Alveg brilliant þessi matseðill,á hádegi í gær var hakk og spaghetti, sem er allt í lagi og í desert var einhvers konar brauðkaka með smjörkremi á milli (þarf ekki að taka fram að ég át það ekki). Í gærkveldi var croissant með skinku og osti og kalt kartöflusalat og vínber í desert. Í hádeginu í dag var kjúklingaleggir og kartöflur. Bíð spennt eftir samsetningu dagsins.

kl. 22:05

Jæja, kvöldmatur búinn. Stóðst væntingar mínar, að því leyti að hann var stórskrítinn. Var einhvers konar kjöthakk í klöttum, kartöflumús sem var búið að sprauta úr rjómasprautu og setja í ofn, leit út eins og svona litlar kranskakökur eins og eru alltaf til hliðar með stóru kökunni. Í desert var síðan einhvers konar jógúrt/búðingur sem heitir fjord. Smakkaðist örlítið eins blanda af hreinu jógúrti og óhrærðu skyri, en út í þetta er settur sykur og/eða hunang. Ég smakkaði mitt óblandað! Var ágætt en myndi ekki vilja borða heila dollu. Franski gæðamaturinn er alla vega ekki borinn fram í þessum skóla!! lol
Fór líka aðeins á netið. Er samt soldið óþægilegt þar sem það eru bara tvær tengingar fyrir lappa og báðar uppteknar. Ég varð þess vegna að fara í 'almenninginn' sem er s.s. allt í lagi ef ekki væri fyrir franska lyklaborðið. Margir stafir á vitlausum stöðum og svona! A er t.d. þar sem q ætti að vera, þú þarft að setja á CAPS ef þú ætlar að gera tölustafi og fl. ofl. En alla vega ég skrifa þessa dagbókapunkta bara á notepadinn í lappanum og svo ætla ég að setja þá inn næst þegar ég get tengt lappann minn. Þá reyni ég kannski að klambra inn þessum 10 myndum eða svo sem ég er búin að taka! lol Ok, ég veit ég þarf að vera duglegri að taka myndir. Er bara enn að venjast því að vera með myndavél sem ég þarf ekki að spara myndirnar í vegna framköllunarkostnaðar. Þetta kemur allt saman. Ég er nú þegar t.d. búin að taka fleiri myndir á 4 dögum en síðustu 4 árum eða svo þannig að þetta eru þvílíkar og stórstíga framfarir ;) Held ég ætli að láta þetta duga að sinni. Meira seinna.

16.10

Cannes, Frakkland.

Er núna búin að vera hérna í 2 daga. Er enn dálítið týnd, en er allt að koma til. Eyddi gærdeginum í að labba um miðbæ Cannes. Miðbærinn virðist miðast við Hotel de Ville og smábátahöfnina. Það er nóg af veitingstöðum og eitthvað af búðum. Ég er ekki búin að kynna mér það nægilega. Ætla mér að kíkja til Nice sem fyrst í H&M. Enda þarf ég að verða mér út um handklæði tout suite. Vill nefnilega svo til að ég skildi handklæðin eftir heima. Sem er reyndar hvergi eins og er. Hélt að það yrði nú ekki mikið mál að finna eins og eina búð með handklæði en enn sem komið er hef ég ekki rekist á neina. En það er búð við strandgötuna sem selur alls konar flip flops og slíkt þannig að kannski selja þeir handklæði líka. Kíki á það á morgun eftir skóla.
Er reyndar að fá svolítið shokk yfir þessum skóla því það virðast allir vera að læra hérna og það er sunnudagskvöld. Ég hélt nú ekki að ég væri að fara í svo alvarlegt nám að það krefðist heimavinnu og var reyndar búin að ákveða að það væri ekki málið... Við sjáum hvað setur.

Kynntist í dag 5 au pair stúlkum. 4 þýskar og 1 sænsk. Hef á tilfinningunni að þýskan mín eigi eftir að batna :) Er líka kósý stemming í matsalnum, sem ég komst loksins til að borða í eftir að hafa sofið af mér kvöldmatinn í gær. Maður bara sest á næsta lausa borð og kynnir sig.. eða það gerði ég alla vega. Það er serverað á borðin þannig að það þýðir enga feimni heldur er málið að setjast á næsta lausa borð. Auðvitað eru einhverjar klíkur í gangi en mér sýnist þetta allt vera prýðisfólk.
Hlakka til á morgun þá byrjar ballið. Þetta byrjar á kynningu í fyrramálið kl. 9 síðan þarf maður að taka stöðupróf. Hlakka reyndar ekki til þess enda geri ráð fyrir að mér skipað í hóp með þeim sem hafa enga frönsku lært. Er samt að æfa mig með nýju bókinni sem ég keypti áður en ég fór að heiman. Hún heitir 'Made in Iceland' og er svona samtalsbók, með frösum og almennum setningum eins og 'Pourrez-vous parler plus lentenment' sem þýðir 'Gætirðu talað hægar' sem ég hef tilfinningu fyrir að ég þurfi að hafa á takteinunum næstu daga og jafnvel vikur.

Hvað sjálfa mig varðar þá er ég í einhverju limbói. Veit ekki alveg hvernig mér líður. Er svona einhvern vegin ekki alveg að kaupa að þetta sé alvara. Að ég sé loksins komin hingað. Hingað þá verandi þessi byrjunarreitur sem ég hef þráð í dágóðann tíma. Mér finnst ég vera alveg á byrjunarreit. Veit ekki alveg hvernig ég vil vera og svona. Er í annað fallið hrædd um að týna mér í einhverjum pælingum og missa af þessari reynslu. Verð að passa mig að falla í hópinn, ekki bara sitja ein og segja nei takk. Ég gerði það næstum því í dag með au pair stelpurnar en sagði síðan bara já.. það var ekkert vont! Við sátum á ströndinni og töluðum aðeins saman. Ég er samt sjálfsagt ekki besti félagsskapurinn þar sem ég dett út af og til. Er í einhverjum einkaheimi þar sem enginn er nema ég.

Á morgun verður okkur s.s. skipt upp í bekki eftir getu og þá hef ég betra tækifæri til að kynnast fólki. Flestir sem ég hef séð eru yngri en ég, en einhverjir á svipuðum aldri. Ég sat hjá einni stúlku, Elodie (veit ekki hvernig skrifað en sagt svona), við kvöldmat og hún hefur verið hérna í 1 ár áður og kom síðan aftur í september og verður fram í júní þannig að það virðist vera eitthvað af fólki hérna sem er búið að vera hérna í einhvern tíma.

Ætla að reyna að setja inn einhverjar myndir á eftir.. ef ekki búin að taka þær margar, en nokkrar. Veit síðan ekki hvor mér tekst að koma þeim á netið en við sjáum til. Best að hella sér í það bara.

ása

Cannes here I come... ehh eða ég er þar sko!

2005-10-16T14:47:00.000Z

Góðir hálsar,

Hvern hefði grunað að fyrst verk mitt við komu til Cannes hefði verið að leita uppi sólarvörn!? Tja allavega ekki mér. En hérna í Cannes er sumar og sól. Einhvers staðar rétt yfir 20°gráðunum... lífið er ljúft.

Ég er aðeins búin að labba um bæinn og svona. Er samt eitthvað hálf týnd. Sem ég býst við að sé besti staðurinn til að byrja á ef maður er að reyna að finna sig!

Kann ágætlega við herbergið sem ég fékk. Er samt áhugavert að sjá það sem þeir sýna ekki á myndunum á síðunni t.d. lestarteinana sem liggja hérna milli skólans og strandarinnar! lol Og glugginn minn snýr einmitt þangað. En ströndin er falleg og ég hugsa að það verði gott að vera hérna!

Skrifa meira síðar,
Ása Björg

London Stansted

2005-10-14T23:24:00.000Z

Jæja,

Er komin svona langt. lol London Stansted. Seinni hluti ferðarinnar hefst í fyrramálið en þá held ég áfram til Nice og svo þaðan til Cannes. Er nokkuð ánægð með framvinduna hingað til tíhí. Skrifa meira þegar ég verð búin að koma mér fyrir í Cannes.

Ása

Cannes here I come

2005-09-30T23:37:00.000Z

Jæja, þá eru hlutirnir aldeilis farnir að skýrast. Ég er á leið til Cannes og skal vera mætt þangað 16. október. Er búin að fá inni í skólanum þar. Veiii.

Nú á ég bara eftir að pakka öllu mínu dóti saman, koma því í geymslu. Ó, já... og flytja pabba og salvöru í nýju íbúðina.. og þrífa þessa!!! Ef einhvern langar að hjálpa þá er öll hjálp vel þegin.

ása

Fínt þetta veður í Cannes!!

2005-09-24T23:54:00.000Z

Klukk

2005-09-24T22:34:00.000Z

Jæja, þetta klukk er alveg að fara með fólk greinilega. Ég hef verið klukkuð tvisvar. Einu sinni af Bryndísi og einu sinni af Jönu. Mér skilst að þetta snúist um að maður setji fram 5 handahófskenndar staðreyndir um sjálfann sig svo hér kemur það:

1. Ég naga neglurnar á mér.

2. Ég er æðislega góður kokkur.

3. Sá staður sem mig langar mest að ferðast til er Amazon-
skógurinn og sjá slóðir Inkanna.

4. Uppáhalds myndin mín er The Cutting Edge.

5. Ég var að kaupa mér ógó flotta skó reyndar eru mínir svartir!!

Annað sem er að frétta er að við erum búin að skrifa undir kaupsamning, eigum að afhenda 15. október.

Ég er búin að finna mér skóla sem ég held að ég ætli að fara í. Hann er reyndar í Cannes en ekki Montpellier eins og ég ætlaði upphaflega. En mér líst bara best á þennann. Ef ég fer þá byrja námskeið þar 16. október þannig að maður má aldeilis hafa sig við að klára að flytja pabba og svona.

Held ég láti þetta duga í bili.

ása

Það er bara allt að verða vitlaust

2005-09-17T13:09:00.000Z

Ása að blogga í annað skiptið á einni viku!

Er enn á Dalvík, en er að fara heim með flugi á eftir um 3 leytið. Ætla að kíkja til Jönu í ammæli í kvöld. Hlakka til.

Er samt soldið blue yfir að þurfa að fara frá sveppinum en svona er þetta víst að vera í svona long-distance sambandi.. endalausar kveðjustundir og langar stundir á milli funda.

Heyrði í fasteignasalanum í gær og það virðist sem allt hafi gengið í gegn hjá ÍBLS en heyrði reyndar ekki aftur í henni eftir að hún sótti plöggin.. held hún hefði samt hringt ef það hefði verið eitthvað vesen. Hlakka til að skrifa undir plöggin í næstu viku og veit að ég á sjálfsagt eftir að tapa mér í fögnuði.

Vona að þið hafið það gott um helgina,

ása pjása

Update

2005-09-13T21:40:00.000Z

Jæja,

Kannski kominn tími á update. Sit hérna í góðu yfirlæti á Dalvík hjá sveppinum mínum. Búin að vera hér frá því á föstudag. En það var einmitt á fimmtudaginn sem ég og pabbi skrifuðum undir kauptilboð á íbúðinni okkar! Tadada!! Hún er s.s. seld. Ok, er samt að reyna að hemja mig þanngað til komið er samþykki frá ÍBLS. Á samt að vera auðfengið mál. Skilst að við ættum að heyra eitthvað á næstu dögum, alla vega fyrir helgi. Þvílíkur léttir. Er í einhverju limbói akkurat núna og veit ekki alveg hvað ég á að gera. Verður góð tilfinning að geta greitt upp allar skuldir og eiga smá pening til að gera eitthvað gott fyrir mig!

Er aðeins að brjótastu um í mér að það sem nú er farið að líða ansi nálægt jólum ( ok ekki þannig en samt... þið skiljið) þá veit ég ekki hvort ég ætla að fara til frakklands núna eða eftir áramót. Kannski fara í svona dekurferð núna... er með smá hugmynd sem ég þarf að þróa betur... læt ykkur vita hvernig það fer.

Afhending á íbúðinni er 15. október og ég ætla að hjálpa pabba að flytja og svoleiðis.

Ég er svo glöð!!!!! Loksins get ég farið að láta mína drauma rætast... er samt ótrúlega fyndið að ég er strax farin að plana haustið... 2006! lol Held að það sé ekki tímabært að opinbera það á þessari stundu en ég virðist ekki geta funkerað án áætlunar! Týpísk steingeit!!!

Vona að þið hafið það gott.

Ég elska alla,
Ása

hmmm

2005-08-24T22:31:00.000Z

jæja,
veit ekki hvort nokkur nennir lengur að kíkja á bloggið mitt, enda langt á milli færslna.

En það er svo sem ýmislegt búið að vera í gangi. Ég er formlega atvinnulaus frá og með deginum í dag. Get engum um kennt nema sjálfri mér enda sagði ég upp. Ég á ennþá íbúð sem ég vildi gjarnan losna við en það hefur ekki gengið upp heldur, get svo sem engum um kennt nema sjálfri mér enda var ég ekki nógu agressív við að ýta á pabba og við settum alltof seint á sölu.

Ætla samt að reyna að líta á þetta með jákvæðum augum. Ég er alla vega ekki háð neinu um leið og ég sel íbúðina. Ég hef núna ótakmarkaðann tíma til að fara í ræktina!

lol ok kannski svolítill pollýönnu leikur en maður gerir það sem maður getur.

Ætla að vera dugleg á morgun og þrífa íbúðina og kalla inn annann fasteignasala. Einhvern sem vill vinna fyrir laununum sínum, kannski!?

Bið ykkur vel að lifa,
ása

.. og það er bara allt að gerast!

2005-07-05T17:24:00.000Z

Jæja, ýmislegt drifið á daga eins og vanalega þegar eitthvað líður á milli blogga.

Það sem kannski er ekki síst er það sem gerðist í dag sem er að íbúðin mín er komin á sölu!!!! YAHOOOOOOO Já, fasteignakallinn kom í morgun og tók myndir og nú bíð ég spennt eftir að sjá auglýsinguna á netinu. Er búin að vera stelast til að kíkja á netið í allann dag, en er ekki enn komið inn.

Þetta er ár draumanna sem rætast. Enda ætla ég að fara út til Frakklands og það er nú draumur út af fyrir sig.
Annar draumur sem er að rætast núna er að ég er byrjuð í ökuskóla og já, góðir hálsar, ég ætla að læra á bifhjól!!! lol Ég veit að sumir verða hissa, og fatta loksins hvað ég er algerlega út úr kortinu, enda hef ég svo sem ekkert verið að auglýsa það að mig langi að læra að stýra slíkum grip. En mig langar það samt og hefur langað í langann tíma. Og þar sem nú er ár draumanna þá lét ég slag standa. Ég á nú samt eftir að fara í fyrsta verklega tímann en ég veit að ég á eftir að pluma mig fínt! Sé mig í anda í leðurdressinu og læti. Já, seisei.

Ég kíkti á sveppa fyrir 2 vikum síðan, seinni vikuna mína í fríi og hafði það æðislega gott hjá honum.

Nú eru 18 vinnudagar eftir hjá mér og svo frelsi. Það er nú reyndar það smá mál að það þarf að selja íbúðina áður en ég kemst lönd eða strönd en ég hef ákveðið að hafa ekki stórar áhyggjur af því, ég veit ef ég þarf þess þá get ég fengið vinnu út ágúst og yrði vel þegið að hafa mig í skólavertíðinni. Ég er nú samt að vona að það komi ekki til þess, en það fer eftir því hversu fljótt gengur fyrir sig að selja íbúðina.

Með sól í hjarta og söng á vörum,
ása

Have you ever?

2005-06-05T15:25:00.000Z

(x) snuck out of the house
(x) gotten lost in your city
(x) seen a shooting star
( ) been to the United States
( ) had a serious surgery
(x) gone out in public in your pajamas
(x) kissed a stranger
(x) hugged a stranger
( ) been in a fist fight
( ) been arrested
(x) done drugs
(x) had alcohol
(x) laughed and had milk/coke come out of your nose
(x) pushed all the buttons on an elevator
( ) made out in an elevator
( ) slept in an elevator
(x) swore at your parents
(x) kicked a guy where it hurts
(x) been in love
(x) been close to love
(x) been to a casino
( ) been skydiving
( ) broken a bone
( ) been high
( ) skinny-dipped
(x) skipped school
(x) flashed someone
(x) saw a therapist
( ) done the splits
(x) played spin the bottle
(x) gotten stitches
( ) had an IV
( ) drank a whole gallon of milk in one hour (why would I want to do that?)
(x) bitten someone
( ) been to Niagara Falls
(x) gotten the chicken pox
(x) kissed a member of the opposite sex
( ) crashed into a friend’s car
( ) been to Japan
(x) ridden in a taxi
(x) been dumped
(x) shoplifted
( ) been fired
(x) had a crush on someone of the same sex
(x) had feelings for someone who didn’t have them back
(x) stole something from your job
(x) gone on a blind date
(x) lied to a friend
( ) had a crush on a teacher
( ) celebrated Mardi-Gras in New Orleans
( ) slept with a co-worker
( ) been married
( ) gotten divorced
( ) had children
( ) saw someone die
( ) been to Africa
(x) driven over 400 miles in one day
( ) been to Canada
( ) been to Mexico
(x) been on a plane
(x) seen the Rocky Horror Picture Show
( ) thrown up in a bar
( ) purposely set a part of yourself on fire
( ) eaten sushi
( ) been snowboarding
(x) met someone in person from the internet
( ) been moshing at a rock show
( ) cut yourself on purpose
( ) been to a motor cross show
( ) lost a child
(x) gone to college
(x) graduated from college
( ) done hard drugs
(x) taken painkillers
(x) love someone or miss someone right now

Lélegasti bloggari í heiminum...

2005-06-02T19:00:00.000Z

... mætt til skrifta enn einu sinni með rétt um mánaðarmillibili. Tja jæja svona er þetta bara. Maður getur ekki verið ógeðslega sniðugur og orðheppinn alla daga mánaðarins.
Það hefur svo sem allt og ekkert gerst á þessum tíma eins og oft vill vera. Það er komin manneskjan sem ætlar að taka við af mér í vinnunni. Hún er mjög áhugasöm og mér virðist hún eigi eftir að standa sig stórvel .. enda dálítið síðan ég gerði mér grein fyrir því að ég er er engan vegin ómissandi.
Ég mun síðan eyða seinustu vikunum mínum í vinnunni í öðru starfi þar sem ég mun sjá um alls kyns "sérverkefni" mér líður svolítð eins og James Bond fyrir utan að ég er kvenkyns og mun ekki ganga með byssu.

Unglingurinn á heimilinu er formlega genginn í fullorðinna manna tölu enda útskrifaðist hún núna um seinustu helgi. Nýstúdentinn er þessa stundina í útskriftarferðinni sinni og síðan tekur alvara lífsins við þegar heim verður komið.

ÉG verð nú samt að viðurkenna að það örlar svolítið á svona empty nest syndromi hjá mér enda hef ég verið ábyrg fyrir henni í of mörg ár til að það snerti mig ekki að sá tími sé að líða undir lok. Ætla samt í framhaldi að hvíla mig aðeins á uppeldishlutverkinu og hugsa reyndar til þess með gleði að nú er 20+ ár þangað til ég þarf að útskrifa næst þannig að ég held ég sé safe í bili.

Ég er líka búin að kíkja á sveppinn í millitíðinni og hafði það gott hjá honum en þetta var bara alltof stutt stopp, gisti bara eina nótt :(. En það horfir nú til betri vegar með það enda er ég að fara í sumarfrí 13. júní og aldrei að vita nema að maður láti sjá sig fyrir norðan. Lol eins og það sé spurning. Mun samt vona að ég þurfi að nota eitthvað af sumarfríinu í flutninga, enda verði íbúðin þá seld, í það minnsta komin á sölu.

Hef ekki mikið að segja meira, ég þakka þeim sem hlýddu,
ása

Sveitasælan

2005-05-07T16:15:00.000Z

Komið sæl elsku vinir,

Ég er hérna í sveitasælunni með sveppinum. Komst ódýrt til Dalvíkur og nýtti mér það. Kom hérna á miðvikudagskvöldið og fer heim á mánudagskvöld.
Veitir ekki af fríinu enda er ýmislegt framundan.

Það helsta sem á daga mína hefur drifið undanfarið er að ég er búin að segja upp vinnunni minni. Jeiii. Er s.s. búin að taka skrefið sem ekki verður aftur tekið. Mun hætta 1. ágúst. Ætla síðan að taka mér svona ca. mánuði í eitthvað dútl áður en ég fer út og ætla að vera úti í 2-3 mánuði. Fer eftir aðstæðum.

Ég er ekki búin að vera dugleg í ræktinni og hef reyndar ekki farið núna sjálfsagt í mánuð. En ég ætla að fara að taka mér tak og dúndra mér af stað. Enda finnst mér þetta orðið bara gaman.

Íbúðin er ekki enn komin á sölu en það vonandi gerist á næstu dögum. Hefur dregist allt of lengi en það er allt að fara að gerast.

Hef ekki mikið annað að segja í bili. Ekki í neinu svona bloggstuði þannig að þetta verður að duga.

Kveðja,
Ása Björg

Sjálfhverfa.

2005-04-10T04:28:00.000Z

Jæja dýrin mín,

Ég er mætt, frekar fljótt ef mælt er við aðrar færslur.

Er í svolitlum hugleiðingum þessa dagana. Nú þegar allir draumar mínir virðast vera innan seilingar. Tja, eða svo gott sem.

Hef verið í sjálfsvorkunnarkasti þessa seinustu viku vegna framtaksleysis sjálrar mín og annarra. Vaknaði hins vegar í morgun og ein setning hefur verið að leika um huga minn í allann dag.

Það eina sem stendur milli mín og drauma minna er mitt eigið framtaksleysi.

Þetta er svolítið stórt að gera sér grein fyrir finnst mér. En að sama skapi jákvætt því þá get ég gert eitthvað í því. Mér virðist að oft þegar ég sé takmörk mín nálgast þá geri ég eitthvað til að hægja á mér. Þykist ekki vera tilbúin að takast á við hlutina og mikill tími fer oft í alls kyns óþarfa áhyggjur og frestanir.

Ég held að ég sé hrædd við að fá það sem ég á skilið. Og þá er ég ekki að tala um vondu hlutina, heldur þá góðu. Ég á voðalega bágt með að taka því þegar eitthvað gott og jákvætt gerist í mínu lífi. Ég efast um það og reyni oft að draga úr eða jafnvel eyðileggja fyrir sjálfri mér. Þetta er ekki gott og ég verð eitthvað að gera í þessu.

Hef verið að taka til annars staðar enn í sálinni minni þessa dagana og ýmislegt hefur komið upp á yfirborðið. Hlutir sem ég þarf að losa mig við og aðrir sem ég þarf að hafa fyrir augunum.

Eitt af því sem ég rakst á var bréf sem hann Sverri vinur minn skrifaði mér þegar hann var úti í Ástralíu 2001. Greinilegt að ýmislegt hefur gengið á milli okkar í bréfum. En það sem kannski stuðaði mig mest er að ég hef ekki heyrt almennilega í honum í alltof langann tíma. Og reyndar ekki í genginu heldur. Hefur einhvern vegin hist á þannig alltof oft að ég er eitthvað upptekin þegar ÁDÍ hittingar eru. Finnst það slæmt.

Ég þjást líka af sjálfhverfu. Þó hún sem slík sé ekki al slæm þá er hún ekki góð í stórum skömmtum. Ég er alltof oft tilbúin að sitja bara heima með sjálfri mér frekar enn að fara út og njóta þess að vera með vinum mínum. Sem er mikil synd því ég á yndislega vini sem bæta alltaf einhverju extra við daginn minn þegar ég hitti þau. Þetta er eitthvað sem ég þarf að bæta. Ég þarf að fara að hafa samband við fólk í stað þess að bíða eftir að það hafi samband við mig.

Ef þú ert einhver sem ég hef ekki heyrt eða séð í styttri eða lengri tíma, vittu þetta vinur að mér þykir vænt um þig og nýt þeirra stunda sem við eigum saman. Efastu ekki um að ég hugsa til þín við og við, og ætla að vera oftar í sambandi. Vonandi eigum við eftir að eiga margar góðar stundir framundan eins og við höfum sannarlega átt í fortíðinni.

Held ég ljúki þessu á þessum væmnu nótum.

Óska ykkur góðra daga.

Kveðja,
Ása

Tja hérna sei, sei!

2005-04-06T15:20:00.000Z

Jæja, þá er komið að enn einu 'return of the laziest blogger in the world' svo maður sletti nú á engilsaxneskunni. Fékk vinsamleg tilmæli frá sveppnum í gær að ég ætti annað hvort að skrifa eitthvað hérna eða bara hætta með síðuna. Mér finnst það nú svolítið drastískt en af því að ég veit að hann er bara spenntur fyrir að vita hvað ég ætla að segja um hann hérna þá tók ég þessu svona semi-alvarlega.

Það hefur s.s. ýmislegt á mína daga drifið frá því að ég bloggaði hérna síðast. En það sem kannski stendur upp úr eru páskarnir og seinasta vika, en þá einmitt fór mín í frí og hvert skyldi leiðin hafa legið annað en norður yfir heiðar. ;)
Enda sveppurinn viðurkenndur dreifari og frekar stoltur af því.

Ég s.s. fór að hitta krúttið mitt og kynna mér staðarhætti. Sjá svona hvort ég ætti eitthvað að vera að púkka upp á sveppinn frekar, enda hefur hann gert það alveg ljóst að þarna muni hann búa... og þar af leiðir að ef ég vil búa með honum (við erum að tala um dálítið fjarlæga framtíð hérna sko, er ekkert ákveðið) þá verður það þarna eða alls ekki.

Ég kom sjálfri mér all rækilega á óvart og fílaði þetta í botn. Hitti tengdó og sló þar í gegn, held ég alveg örugglega. Alla vega tókum við tengdó góðan rúnt um víkina þar sem mér var bent á öll hús sem voru til sölu auk þess sem gefið var upp áætlað söluverð. lol Fannst það frekar nett.

Líkaði mjög vel við alla sem ég kynntist. Fékk að sjá sveppinn á sviði loksins og svei mér ef ég skil ekki núna af hverju stelpur eru að eltast við svona hljómsveitagaura. ;)

Var alveg geggjað veður mestann tímann og ásann náði sér í smá lit alla vega á handleggina jafnvel þó að lappirnar séu enn eins og endurskinsmerki. Var sjálfsagt alveg upp undir 20 gráður á svölunum og þar sat ég eins og blóm í eggi með bókina mína þar til maðurinn kom heim úr vinnunni.

Við fórum líka á föstudaginn til systur hans og mágs í prýðis grillveislu, og svo var spilaður Popppunktur. Var skemmtilegt spil og ótrúlegt keppnisskap í fólki. Fórum síðan í bakaríð (s.s. pöbbinn á svæðinu) og tókum þar þátt í pöbbquiz sem reyndist hin ágætis skemmtun.

Ekki fer nú frekari sögum af skemmtanalífi í þessari ferð. En ég er alla vega búin að komast að því að það er sjálfsagt margt verra en að búa úti á landi og get jafnvel séð mig fyrir mér á einhverju svona plássi úti á landi. Svo fremi sem félagsskapurinn er góður þá kannski skiptir ekki svo miklu máli hvar maður er. Og svo væri líka alveg kjörið fyrir fólk að kíkja í heimsókn til mín á veturnar og fara á skíði og svona.

Lokaniðurstaða: Lífið út á landi sökkar ekki alveg eins mikið og viðkomandi bjóst við og jafnvel væri hægt að fórna sér á altari ástarinnar og flytja um landið þvert, ef það væri í boði!? lol

Kveðja,
Ása... tilvonandi dreifari.

Nýtt útlit

2005-03-05T15:07:00.000Z

Sæl,

Nú er komið nýtt útlit á síðuna mína, er frekar sátt. Litla systir enn og aftur að sýna snilli sína á þessu sviði. Nú er bara að sjá hvort nýtt útlit verður til þess að ég verði duglegri að mæta til að deila dögunum mínum með ykkur.

Það sem er í gangi þessar stundir er nú ekki mikið í gangi en sveppurinn er s.s. komin í dreifbýlishimnaríkið sitt og er vel sáttur. Og þá er ég sátt. Mér skilst að ég megi koma og máta viðveru mína í himnaríki um páskana, jafnvel, og ég bíð bara spennt :)

Ég er enn í einhverjum vinnubömmer og er alveg að missa það finnst mér. Er samt að reyna að halda mér gangandi fram til páska en þá fer ég í 10 daga frí. Get ekki beðið, sérlega þar sem eitthvað af þessum 10 dögum verða með sveppinum. Mér skilst nú samt að einhver spilamennska verði í gangi um páskana þannig að kannski fæ ég að sjá hann berja bumburnar.

Fór í gær í Loftkastalann á stykki sem heitir Ég er ekki hommi. Gunnar Helgason, Friðrik Friðriksson og einhver annar. Var svo sem allt í lagi, myndi samt ekki mæla neitt sérstaklega með því. Voru frekar ódýrir hommabrandara og verið að reyna að ganga fram af manni. Veit eiginlega ekki afhverju er verið að flytja svona inn, (Er eftir einhvern útlending) held að við ættum að frekar að gera betur við innlenda höfunda sem hafa kannski eitthvað að segja!?

Svo á morgun ætla ég að sjá Open source með Íslenska dansflokknum, hlakka ekkert smá til. Skrifa kannski smá rýni um það líka.

Heyrumst síðar.

ása

Hlaut að koma að því

2005-02-22T13:00:00.000Z

Jæja dýrin mín stór og smá.

Það hlaut að koma að því að hún sneri til baka, lélegasti bloggari íslands mættur til starfa.

Er búin að vera að drepast úr sjálfhverfu og smá skammdegisþunglyndi og hef ekki haft neitt sérstaklega uppörvandi eða skemmtilegt að segja.
Ekki að ég ætli að vera eitthvað sérstaklega skemmtileg og uppörvandi núna en samt...

Er svo sem allt og ekkert búið að vera í gangi. Fyrir þá sem ekki vita þá hef ég verið að deita dreifbýlissvepp sem er reyndar að fara að flýja þéttbýlið um næstu helgi. Ómögulegt að vita hvað tekur við, veit ekki hvernig svona long-distance sambönd ganga en eins og sakir standa held ég að við ætlum alla vega að reyna það. Ég er alla vega frekar skotin, þó að ég viðurkenni að hann sé frekar tregur í taumi. Ótrúlegt að nokkur skuli geta staðist mig en að sama skapi þá var það nefnilega nákvæmlega það sem ég var að leita að.

Vinnan er við það sama, samt komin örlítil þreyta og mig langar ofboðslega að fara að gera eitthvað annað. Það eina sem heldur mér gangandi þessa dagana er vissan um að utanlandsferð bíður mín í haust. Er alveg að klepra ef satt skal segja.

Er byrjuð í heilsuátaki, gengur nokkuð vel. Mætti 5 sinnum í síðustu viku og mætti síðan í gærkvöldi og aftur í morgun. Gengur nokkuð vel og er loks að gera þetta af réttum ástæðum.

nóg í bili,

ása

Nokkuð nákvæmt

2005-01-24T09:32:00.000Z

Ekkert smá fyndið hvað er hægt að finna út!

You Are 28 Years Old

28

Under 12: You are a kid at heart. You still have an optimistic life view - and you look at the world with awe.

13-19: You are a teenager at heart. You question authority and are still trying to find your place in this world.

20-29: You are a twentysomething at heart. You feel excited about what's to come... love, work, and new experiences.

30-39: You are a thirtysomething at heart. You've had a taste of success and true love, but you want more!

40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

Kæru vinir

2004-12-24T18:00:00.000Z

Nú á þessum hátíðisdegi kemur andinn yfir mig. Á hverju ári er ég yfirkomin af tilfinningum yfir velvilja og gæsku ykkar og margra í heiminum í viðleitni ykkar til að halda upp á þennann merkisdag. Ég er orðlaus hreinlega, yfir því hvað þið leggið á ykkur til að samgleðjast með mér á afmælinu mína.

Takk :)

Ég vona að þig hafið það náðugt á þessum ágæta degi og þeim sem á eftir koma, og óska ykkur og fjölskyldum ykkar árs og friðar.

Jólin ;)
Ása jólabarn

JAAEEJA

2004-12-16T22:54:00.000Z

huhumm, ætla að reyna að byrja ekki þennann póst eins og flesta aðra með því að biðjast afsökunnar á að skrifa ekki oftar...

I've been busy... látum það nægja.

Tja, 1. nóv já. Ýmislegt gerst í millitíðinni eins og gefur að skilja.

Lundúnarferðin komin og farin, yndislegur tími sem fór náttulega í allt annað en það sem upphaflega var planað. Náðum samt að fara á Madam Toussoad's. Frekar flott fórum í Chamber - Live og náðum að öskra aðeins. Versluðum meira en nokkrum er hollt... alla vega sumar okkar... hmm frænka!?

En alla vega fórum ekki á The Darkness. Fórum samt út að djamma föstudags og laugardagskvöld. Enduðum á föstudeginum á einhverjum mafíustað þar sem svartur hassreykingarmaður réði ríkjum. En það var góð tónlist.

Fæddist líka nýr fjölskyldumeðlimur í Bretlandi þann 9. des sem hefur verið nefnd Snædís Eva (hef þetta eftir ótraustum heimildum þori ekki að hengja mig upp á það).

Hvað fleira, hvað fleira. Jú, óslitinni djammgöngu minni er lokið eftir að ég fann mér eitthvað betra að gera á kvöldin og um helgar.
Ætla svo sem ekki að tvínóna það frekar hér en ég verð þó að fá að segja að lífið er mikið betra þegar það er kyn- fyrir framan ;)
Verð þó að láta koma hér fram að ég mæli með trommurum :*

Enn einu sinni eru komin jól, þrælapískarinn yfirmaðurinn minn (lesist Ása Björg), hefur enn á ný fundið nýjar leiðir til að pína mig til vinnu og ég sé fram á óslitna vinnutörn fram að jólum. Get samt huggað mig við að ég mun ekki vinna aðfangadag, frekar en fyrri ár.

Það verður reyndar voða gaman í vinnunni um helgina þegar allir helstu barnahöfundar landsins koma og árita og lesa upp úr bókunum sínum fyrir börnin og okkur hin. Endilega ef þið hafið lausa stund um helgina kíkið í búðina mína, lofa að þið verðið ekki svikin.

Ég hélt einhvern vegin að ég hefði mikið meira að segja en er eitthvað tóm núna og ætla að láta gott heita í bili. Ætla að skrifa meira seinna... en samt kannski ekki alveg jafnlangt í næsta pistil.

bæjó,
ása pjása

another day, another... day

2004-11-01T21:27:00.000Z

jæja...
enn ein helgin liðin og ása aðeins að djamma.
Fór aðeins að djamma á föstudag (komin heim kl. 5) og aðeins að djamma á laugardaginn (heim kl. 6:30).

Aðeins föndrað á sunnudagsmorgun, ætla ekki að segja meira af því hér... þið verðið bara að panta viðtal.

Fór út bæði kvöldin með frænku. Var ekkert smá gaman á laugardag því þá hittum við nokkrar vinkonur frænku og vorum að dansa á Viktor og eins og þið kannski vitið þá þoli ég frekar illa þegar fólk þarf að dansa með alla skanka úti lemjandi mann og annann.
Þið hafið held ég flest séð skíðadansinn minn....!
Ef ekki þá vitið þið ekki af hverju þið eruð að missa. Bjóðið mér bara einhvern tíman út að dansa og ég skal með glöðu deila honum með ykkur.
En alla vega já við vorum s.s. 6 stelpur saman að dansa og það var verið að hrinda hinum svona til og frá þannig að ég skipti við þær um stað af og til og tók til við að skíða í gríð og erg. Og ótrúlegt nokk, eftir smá stund þá gerðist það alltaf þegar ég skipti um stað við einhvern að ég fékk engin olnbogaskot. lol Var samt svolítið svekkt því ég var komin í þvílíkt skíðastuð. En fékk ekki útrás.

Seinasta vika var ekkert spes, nema að því leyti að hún leið afskaplega fljótt.

Nú eru 6 vikur í lundúnarferð mín og frænku, vorum að skoða á netinu um helgina hvað við þurfum að skoða og gera. Ákváðum eftirfarandi: Fara á Darwin Center, Madam Tussaud's, skoðunarferð á Thames og svo á tónleika í Wembley Arena á The Darkness verður örugglega hevý gaman.

jæja, held að það sé ekki meira í bili.

hasta la vista, baby

ása

In the end there will only be one

2004-10-21T23:58:00.000Z

Ok, ég viðurkenni það. Ég horfi á survivor, samt ekkert veik. Þoli alveg að missa af einum og einum þætti... næ þá bara endursýningunni ;)
Hef einmitt svolítið verið að velta fyrir mér sjónvarpsglápi mínu. Á mánudögum er survivor og ok reyndar one tree hill :* já ég horfi.. en bara af því að það er á undan survivor.
á þriðjudögum er það innlit/útlit og judging amy. Á miðvikudögum er það americas next top model. Á fimmtudögum er það csi: miami. Á föstudögum eitthvað sem ég man ekki alveg hvert er. Og á laugardögum er það charmed. Svolítið lame að eiga einhvern þátt á hverju kvöldi. Held ég verði að fara að hætta að horfa á sjónvarp. Langar að fara að gera eitthvað uppbyggilegt. Maður er nefnilega svo ótrúlegur að maður heldur alltaf að maður ætli að verða ógó duglegur... bara ekki núna.. heldur seinna... veit ekki alveg hvenær maður heldur að seinna sé. Er að spá í hvort seinna verður ekki einhvern tíman fljótlega... ég held það. Ætla að hugsa um þetta betur... á morgun ;)

Er búin að ná að mála hálft herbergið mitt. Ehh reyndar til að segja satt þá málaði ég það nú ekki sjálf... lol... heldur málaði jói megnið af þessu. lol Hann kom í bæinn á föstudaginn og vantaði gistingu og ég hafði hugsað mér að biðja frænku að hjálpa mér að mála þetta kvöld og því var það svo að við enduðum 3 í málaragallanum að sletta á veggina. Og áður en nokkrum dettur í hug að spyrja þá var ekkert í gangi! Bara hafa það á hreinu.

Eru búnir að vera erfiðir dagar í vinnunni, eru 2 búnar að vera veikar í 2 daga og þá er ekki talin með þessi sem er í 6 vikna veikindaleyfinu! Þannig að við höfum bara verið 2 núna í 2 daga. Enda sést það líka á búðinni, kannski samt mest fyrir aftan. Enda er ofsalega lítið sem maður kemst yfir þegar maður þarf að vera á sífelldum hlaupum.

Er að fara í haustlitaferð á laugardaginn. Verður örugglega gaman, var samt aðeins minni mæting en ég hefði viljað. En það er allt í lagi. Læt ykkur vita.

Fyrir ykkur sem hefur hungrað í fréttir af skemmtanalífinu mínu get ég huggað með að það gengur mjög vel. Undanfarnar helgar hef ég farið út 1 til 2 kvöld með reyndar undantekningunni um þar seinustu helgi þá fór ég ekkert út... minnir mig.

jæja, nóg af mér,
ses snart
ása

Tíminn líður trúðu mér, taktu maður var á þér...

2004-10-10T23:17:00.000Z

Jæja, þá er latasti bloggari landsins loksins sestur við lyklaborðið til að hamra inn nokkrar setningar.
Það er í raun svolítið brjóstumkennanlegt hversu lítið er í raun í gangi í mínu lífi. Það sem hefur gerst á þeim tíma sem liðinn er síðan seinast var sest fyrir framan þessa skjámynd er hvorki merkilegt né mikið.
Ég fór reyndar jú í sumarbústað með ÁDÍ-ingum. Það var massa gaman. Var líka ákveðið í framhaldinu að athuga kosti og galla þess að kíkja til Ítalíu á næsta ári. Leigja villu í Tuscany og hafa það gott. Verður örugglega æði ef það gengur eftir.
Hef náttulega verið að skemmta mér líka um helgar. Hef ákveðið að hætta að telja þær enda hefur það lítið upp á sig annað en að valda því að fólk haldi að ég sé áfengissjúk þegar það er alls ekki málið. Enda hef ég ekki bragðað áfengi allar þær helgar sem ég hef verið að djamminu.

Byrjaði jú á hugleiðslunámskeiði hjá Ljósheimum lofar góðu, en er reyndar bara búin í 1 tíma. Sjáum hvað setur hvort ég finn innri frið eður ei.

Hef lengi verið á þeirri skoðun að maður læri eitthvað nýtt á hverjum degi.
Í gærkveldi lærði ég t.d. að ef ég ætla að fara á Ópus þá þarf ég að vera full.
Og að þegar ég er á skemmtistað og einhver stígur fyrir framan mig eða stendur á einhvern hátt í veg fyrir mér að 1)stoppa 2) horfa á viðkomandi 3)taka ákvörðun um hvort ég hrindi viðkomandi í burtu eða ekki.
Var nefnilega stöðvuð á leið minni á dansgólfið á Viktor og eins og vani er þá byrjaði ég á því að reyna að troða mér framhjá, þegar það virkaði ekki leit ég upp og hristi höfuðið eins og vanalega. Til þess eins að horfa framan í frekar huggulegann gæja sem ég hefði ekkert haft á móti að tala við frekar. En hann verandi kurteis herramaður sté þá til hliðar og ég var búin að klúðra því!
Stupid, stupid, stupid.

En svona gengur lífið.

A bien tôt,
ása

E.S. Langar að hvetja ykkur til að skoða bloggið hennar Halvarar systur minnar. Hefur nokkrar áhugaverðar skoðanir ýmsum málum!

Lundúnir hér kem jeg

2004-09-21T21:58:00.000Z

Já já sei sei,

ása litla bara á leiðinni til Lundúna 9. des og ætlar að taka borgina með trompi. Ætla með frænku í langa helgi.. endilega ef einhver getur mælt með ágætur og ódýru hóteli ekki vera feimin...

Lítið á dagana drifið, fór út um helgina (what a shocker) bæði föstudag og laugardag. Fór á föstudaginn út með frænku og Roach vinkonu hennar og pabba Roach. Sýndum könunum næturlífið en þau voru eitthvað frekar slöpp í djamminu og fóru heim rétt yfir 3. Ég og frænka vorum ekki alveg búnar svo að við enduðum á Kapital þar sem við dönsuðum okkur í hel frá kl. 3:30 til 5:30 árdegis. Geðveikur dj mar'.

Svo fór ég í innflutnings/afmælisteiti á laugardaginn hjá Jönu stuðbolta. Var frekar gott teiti og endað niðrí bæ... ekki alveg eins mikið stuð og á föstudag en nokkuð gott engu að síður.

Ég er u.þ.b. all partied out... næstum því ... en það er enn eftir sumarbústaðarferð... kannski slappa ég af í nóvember... kannski

The orginal party girl
ása

að ógleymdu

2004-09-06T18:20:00.000Z

já ekki má gleyma ágætu partýi hjá þorgerði á föstudag, frekar góð ÁDÍ mæting þó í rólegri kantinum. Æðisleg íbúð og gott að hitta alla.

Kvölda tekur sest er sól

2004-09-06T18:05:00.000Z

Tja eða þið skiljið. Haustið alveg komið og maður einhvern veginn bara meyr. Er búið að vera náttulega bilað í vinnunni en ég er að jafna mig á því, enda ekki slæmt að vera í vikufríi svona í septemberbyrjun.

Er hjá frænku að chilla og passa hundinn hennar meðan hún er í vinnunni. Já þið heyrðuð það hér, ása er að passa hund. Og ekki bara einhvern hund heldur rottweiler. Ása hundahrædda virðist ætla að komast yfir hundahræðsluna með því að umgangast rottweiler hunda. Eins gott að venja sig við bara nógu asskoti stóra þá eru hinir ekkert vandamál.

Var helgi nr. 15 um helgina. Var frekar nett, fór með Dísu skvísu út á lífið. Og þvílíkt líf. Við drukkum frá okkur allt vit, eða þið skiljið... það litla sem við höfum. Og dönsuðum eins og fífl.
Gerðist líka fleira skemmtilegt sem er frekar svona til að segja frá í persónu, en varð til þess að ég ætla að semja ljóðabálk sem ber heitið: Til TB, með þökk fyrir ******* á *********** á *******. Fyrir nánari upplýsingar og þýðingar vinsamlegast hafið samband við undirritaða. ;*

Annars allt við það sama. Á enn eftir að kíkja á hann litla kút hennar Lilju en ætla að kíkja núna í vikunni með Lonni, svo ætla ég líka á vídeókvöld með draumprinsinum mínum. Ætlaði líka að vera ógó dugleg að mála íbúðina, alla vega herbergið mitt. Sjáum til hvernig það fer. Er ekkert í rosalegu framkvæmdarstuði þessa dagana en illu er best aflokið.

Jæja, held að ég sé búin að uppfylla upplýsingarskyldurnar í bili,
Ég óska ykkur eins skemmtilegu og spennandi lífi og mitt er
ciao
ása

Langur tími, enginn sjór

2004-08-24T23:38:00.000Z

Langt síðan síðast. Helgi 12 komin og farin, með tilheyrandi drykkjarlátum.

Menningarnótt var áhugaverð, enda tók ég þátt í Skáldati. Fyrir ykkur sem ekki vitið þá hef ég aðeins fiktað við að semja ljóð. Og tók á honum stóra mínum og sendi inn ljóð og komst að. Vann reyndar ekki en þetta var hevý gaman. Í dómnefnd voru Svanhildur Óskarsdóttir bókmenntafræðingur, Sverrir Stormsker rugludallur og Erpur Eyvindar a.k.a. Blaz Rocka eða eitthvað svoleiðis.
Ég var ekkert smá stolt af mér að láta slag standa og aldrei að vita nema að maður kíkji kannski á eitt eða tvö ljóðakvöld og lesi eitthvað meira seinna.
Alla vega eftir Skáldatið, lá leiðin niður á höfn að horfa á flugeldana sem voru að vanda stórglæsilegir. Svo í partý til Kristínar í ÁDÍ, drakk bara lítið en varð alveg rugluð í hausnum og hætti að geta talað og fékk frænku til að skila mér heim eftir að við tjúttuðum aðeins. Svaf síðan fram eftir á sunnudaginn og svo fórum við nokkur úr ÁDÍ á Við fjöruborðið og fengum okkur humar. Slef, slef. Þeir sem ekki hafa enn farið, ekki hika, farið á morgun.

Ég er líka orðin svona skámóðursystir svona cirka 7° af Celsius, sjá Óskírður Lilju og Baldursson.

Búið að vera brjálað í vinnunni enda einn annasamasti tími ársins. Er samt að hægjast. Ætla að eiga rólega 13. helgi og jafnvel bara ekkert að fara út.... NB. ætla samt ekki að lofa neinu með það, hlutirnir virðast hafa lag á að poppa upp svona uforvarende hjá mér.

Held ég segji ekki meir í bili,

kíki aftur með meira seinna,
ása

Home alone 2

2004-08-11T23:14:00.000Z

Jæja,

Ein í eyðibýlinu aftur í dag. Fjölskyldan ákvað að framlengja dvöl sinni í sveitasælunni um eina nótt. Að þessu sinni samt í bústaðnum hennar ömmu uppi á Mýrum, held ég, fattaði allt í einu að ég er ekki viss. Allavega eru þau ekki heima, sem er gott og vel.

Lá við hitaslagi í vinnunni í dag enda sjálfsagt um 30°c hiti í búðinni og engin loftræsting. Við eigum hins vegar tvær 9" viftur sem gera alls ekkert gagn. Við gætum allt eins staðið og blásið hvor á aðra.

Fór að sækja "litla" fðænda út á völl í dag. Mjólkaði þetta náttulega eins og ég gat og fór úr vinnunni kl. 11. Fór og tók bensín á bílinn. Keypti mér sjeik og lagði síðan af stað í Kef. Dólaði mér á 90-100 hlustaði á Dido, drakk sjeikinn minn og söng. Frekar ljúft. Svo var ég frekar snemma í því og þurfti að bíða fyrir utan flugstöðina í þessari dýrindisblíðu.

Bauð síðan fðænda á stælinn og fór svo aftur í vinnuna, þar sem ég hélt áfram að vinna í húðumhirðu minni með því að svitna eins og svín. Hver þarf gufubað, komið bara í heimsókn til mín í vinnuna á heitum sumardegi!

Búin í vinnunni rétt um sexleytið. Byrjaði að labba út í strætó en fattaði síðan að ég meikaði ekki tilhugsunina um að sitja í strætó í 5 mínútur. Sem var í raun svolítið slæmt því það varð til þess að ég fór ekki til hans Sverris míns í ÁDÍ mini-BOB.
En allavega þarna var ég tilbúin að fara heim, vildi ekki í strætó og datt í hug að það væri sniðug hugmynd að nýta þetta góða veður til gönguferðar. Hmmm. Við skulum bara segja að það vildi til að ég hitti ekki neinn sem ég þekki á göngu minni því þegar heim var komið þá lyktaði ég eins og ég hef aldrei lyktað áður. Ákvað þá einmitt að ég gæti ekki farið í mini-BOBið og ekki heldur á NÝMS kaffihúsafundinn með Lonni. Var bara heima. Fór í það sem átti að vera köld sturta en það eru biluð blöndunartækin þannig að hún var bara heit eins og vanalega, en lyktin allavega fór.

Kveikti á grillinu og steikti hamborgara. Alger grillmeister eða þannig. Svo hringdi Lonni og kom síðan í heimsókn. Hún var einmitt að fara rétt áðan.

Þannig var nú dagurinn minn. Fyrir þá sem biðu eftir að vita þá fór ég að sofa um 1 leytið í gær. Var nokk gott og er bara hress. Aldrei að vita nema ég endurtaki leikinn í kvöld. Spennandi.

Fyrir þá sem þekkja mig nógu vel til að vita hvar vinnan mín býr þá er grillveisla á laugardaginn. Húllum hæ og gaman. Fríar pylsur ef einhvern langar í pylsu eða er bara of blankur til að kaupa sér hádegismat! Allir velkomnir.

Held að þetta sé allt og sumt í bili. Ætla að slæpast aðeins á netinu og fara síðan, held ég, að sofa.

Góðar stundir,
ása

Home alone

2004-08-10T23:01:00.000Z

jæja, loksins ein heima og hvað... ekki neitt. Það mest spennandi sem mér datt í hug að gera var að fara í hálftíma sturtu og borða kínverskan. Fyrir þá sem vita meira en aðrir er best að taka fram að þetta var kínverskur matur. ;)

Ótrúlega lame eitthvað, hefði kannski frekar átt að fá mér kínverskan.

En svona er það bara.

Hef eitthvað lítið að segja en er að reyna að vera duglegri að blogga.

Er að fara að sækja fðænda á morgun út á völl af því að ég er á bílnum hans. Restin af fjölskyldunni farin á snæfellsnes og minns home alone. Er meirað segja að spá í að fara snemma að sofa. Sem þýðir þá einhvern tíman fyrir kl. 2 í nótt.

Aldrei að vita nema að mér takist það.

I'll keep you posted.

ása

Halvor rúlar

2004-08-10T01:34:00.000Z

Litla systir var að búa til nýtt útlit á síðuna mína, ekkert smá kúl þykir mér. Á aðeins eftir að laga eitt og annað en ég fyrir mitt leyti er að digga þetta. Hún setti líka upp annað comment kerfi og svo spjall.

Ég á orðið eina flottustu bloggsíðu sem ég hef séð!

Látið endilega í ykkur heyra hvernig ykkur líst á þetta nýja look.

ása

Mhmmm

2004-08-07T21:21:00.000Z

You have an entrancing kiss~ the kind that leaves
your partner bedazzled and maybe even feeling
he/she is dreaming. Quite effective; the kiss
that never lessens and always blows your
partner away like the first time.

What kind of kiss are you?
brought to you by Quizilla

Aarrrrg

2004-08-05T12:50:00.000Z

Arrrg. Er alveg að drepast úr pirring. Það eru 148 dagar eftir af árinu en mér finnst ég ekki eiga einn einasta dag eftir af geðheilsu. Er alveg í neðsta þrepi, er sjálfri mér ónóg eitthvað. Þið kannist kannski við þessa tilfiningu þegar mann langar bara að hoppa upp og niður því þá alla vega væri maður að gera eitthvað. Æ, ég veit ekki.

Ég stakk upp á smá vinnubreytingu hjá mér í gær... þ.e stakk upp á því við yfirmann minn, sjáum til hvernig það fer, Best að segja sem minnstu um þetta í bili því þetta er frekar fjarlægur möguleiki.

Elsku besta stóra systir mín kom til landsins í gær. Ég og pabbi fórum út á flugvöll að sækja hana og Styrmi. Pabbi kenndi mér vistakstur á leiðinni.

Seinasta helgi var góð. Ég hélt uppi merkjum ÁDÍ 9. helgina í röð og er orðin stolt af þessu meti mínu. Og nú um helgina er Gay Pride og ég er búin að lofa Force frænku að við gerum eitthvað skemmtilegt saman. Helgi númer 10 here I come!

Gerðist reyndar fleira um helgina því ég kyssti strák. Það var frekar fínt, veit ekki alveg hvað ég geri næst því ég er greinilega búin að henda mér út í djúpa enda laugarinnar. En hann er með númerið mitt, og hefur hringt og kannski kyssi ég hann aftur um næstu helgi....

Yfirmaður minn kom í heimsókn (s.s. í vinnuna til mín) á þriðjudaginn.

Heimsókn best líst svona:

GSM sími 30.000

Laun þín sem starfsmanns: þriggja stafa tala þó hún sé ekki eins há og hún ætti að vera (finnst þér)

Svipurinnn á yfirmanni þínum eftir að hann kemst að því að hann gleymdi gemsanum út í bíl og þú djókar með að hann hafi s.s. bara komið nakinn til þín... og hann misskilur þig -

ÓBORGANLEGUR

Reyni að vera duglegri að blogga, segji ykkur kannski af ævintýrum komandi helgar...

kannski ekki. ;)

Kveðja, ace

Ástin er þvottasnúrur

2004-07-16T00:00:00.000Z

Hmmm,
er í fríi og er að fíla það. Helv.. gott að þurfa ekki að hugsa um neinn nema sjálfa mig en samt.. þyrfti lengri tíma en þessa einu viku. Finn að jafnvel núna er ég farin að kvíða fyrir að vakna á mánudagsmorgun. Ekki gott.

Er búin að vera hjá henni frænku minni uppi á Kjalarnesi seinustu daga og þaðan kemur einmitt titill póstsins. Var alveg æðislegt á sunnudaginn þegar kærastinn hennar kom heim ótrúlega ánægður með sig og sagðist vera með eitthvað óvænt handa henni, púffaði aðeins út brjóstkassann og sagði: "ég á eftir að vera vinsælasti maðurinn í húsinu". Og viti menn hann hafði smíðað handa henni þvottasnúrur en þau höfðu einmitt verið að ræða einhverju áður um að það vantaði snúrur. Og ég horfði á og hugsaði með mér um leið og fann hvernig mér hlýnaði um hjartarætur að stundum er ástin þvottasnúrur.

Fór út á laugardaginn með frænku, en þetta var einmitt 6 helgin í röð sem ég fór út að skemmta mér. Og með þessari helgi verða þær 7. Verður nefnilega innflutningspartý ÁDÍ stæl á laugardaginn. Verður örugglega flott.

Er annars lítið í gangi í mínu lífi þessar stundir, þegar ég var ekki komin í frí var ég í vinnunni og þegar ég kem úr fríi verð ég í vinnunni. Skólinn náttulega "alveg" að byrja. lol Þarf að vera tilbúin með skólaconcept fyrir versló og svo klára að setja upp skólann eftir mánaðarmót.

Ætla ekkert held ég um versló, kannski bara upp í bústað til ömmu. Nema ég fái eitthvað betra tilboð.... hint.... hint...

Mig langar alveg ógeðslega að vera eitthvað ljóðræn núna en ég er eitthvað alveg tóm. Alveg ótrúlegt hvað maður verður búinn um leið og maður fær smá hvíld frá daglegu streitunni.

Er samt svolítið einmana þessa dagana, finnst eins og allir séu að deyja úr ást, sem ég veit að er aðalega ég að mikla hlutina fyrir mér, en það væri næs að hafa einhvern að kela og kúra hjá. Einn koss eða svo myndi ekki vera alveg úr kortinu á þessari stundu. Samt....

Kannski er ég bara ****

Seinna,
ása

jæja...

2004-07-05T01:03:00.000Z

Þetta sjálfsagt 5 eða 6 færslan sem ber þetta nafn. Frumlegheitin alveg að fara með mína.

Er eitthvað andlaus... enn einu sinni er klukkan orðin alltof margt að aðfaranótt mánudags og ég ekki tilbúin að fara að sofa. Ekki að ég sé tilbúin að gera eitthvað annað en bara sérstaklega ekki til í að fara að sofa. Held alltaf að ég sé að missa af einhverju sem er í raun ótrúlega fyndið þegar hugsað er til þess að mér finnst lítið að því að sofa langt framyfir hádegi ef ég kemst upp með það.

Fór út á föstudag með Gunni gellu, vorum frekar vel í tá þegar við skjögruðumst niðrí bæ og eirðum okkur eiginlega hvergi enda frekar lítið af fólki á ferli þannig séð.

Bauð síðan í mat í gær vorum 6 að borða víðfræga lasagnað mitt sem var það jafnbesta sem nokkurt okkar hafði áður bragðað. Ég er alveg ótrúlegur kokkur þó að ég segi sjálf frá. Horfðum síðan á myndband frá brúðkaupi Heiðars og Þóreyar frá því í fyrra, var ekkert smá asnalegat að sjá mitt annað sjálf, sem ég kalla gjarnan athygliskjúku ásu til að aðgreina frá mér, taka völdin og vella vitleysu upp úr sér. Samt bara ofboðslega fegin að þetta var ekki ég...!
Force frænka kom síðan og við fórum í bæinn, enduðum á glaumbar af öllum stöðum þar sem athyglisjúka ása kom einmitt aðeins í heimsókn þar sem hún fór hamförum á dansgólfinu. Ætla aftur að segja að ég er fegin að þetta var ekki ég.

Var að telja til bara að þetta er 5 helgin í röð sem ég fengið mér í glas og 3 helgin af 5 sem ég hef djammað bæði kvöldin... spurning hvort ég er að reyna að vinna eitthvað upp?

Er alveg að komast í sumarfrí en það verður einmitt frá 12. til 18. júlí. YAHOOOO. Það sem er ekki gott við að vera bossinn er að maður getur engum nema sjálfum sér kennt um að komast ekki í almennilegt sumarfrí en verð þó að segja bossinum til varnar að ýmsir atburðir leiddu til þessarar niðurstöðu.

Ég er orðin svolítið óþreyjufull að bíða eftir að komast út. Gengur lítið með íbúðina enda bæði ég og pabbi búin að vera á fullu að vinna. En skattmann mun borga út vaxtarbætur um næstu mánaðarmót og þá skulu hlutir gerast.

Hlakka líka til að sjá hana systur mína þegar hún og kærastinn koma í ágúst. Verður gott að sjá þau, höfum ekki sést núna í meira en ár. Og alltof lítið talað saman.

Held að ég hætti í bili.. .tja nema já ekkert smá spennanndi með að ríkisstjórnin ætli að fella fjölmiðlafrumvarpið úr gildi. Þótt að það sé á vissann hátt svolítið let down að fá ekki að taka þátt í þjóðaratkvæðagreiðslu. Verður líka spennanndi að sjá hvort Dabbi á eftir að fjarstýra því að ákvæðið um málskotsrétt forseta verði fellt úr gildi. Ég hef sterklega á tilfinningunni að hann eigi alla vega eftir að reyna það.

En nóg núna,
góða nótt
ása

Happy election day... mister president

2004-06-26T13:43:00.000Z

Jæja þá er komið að því að maður fari að neyta réttar síns. Forsetakosningar í dag og langt síðan hefur verð eins spennandi kosningarbarátta um forsetaembætti [NB. lesist með kaldhæðnislegum undirtón].

Þrír einstaklingar hafa lagt persónu sína fram til dóms kjósenda.

Ég ætla ekkert að leyna því að mitt atkvæði fer til Óla. Það er ekki eins og það sé erfitt val.
Hafði þó velt því fyrir mér að skila auðu, svona til að sýna smá lit og mótmæla... en komst að því að ég hafði engar sérstakar athugasemdir fram að færa sem væru þess valdandi að ég vildi ógilda atkvæði mitt með þeim hætti.

Ég er bara nokk sátt með kallinn. Ég meina hann kemur vel fyrir, kanna að koma fyrir sig orði og er með glæsilega konu sér við hlið. Hann hefur líka sýnt að þrátt fyrir lognmolluna sem hefur umlukið hann í þessu embættið þau ár sem hann hefur setið sé hann tilbúinn að taka afstöðu.. loksins mætti kannski segja... en ég held að nú hafi verið tíminn til þess.
Ég hef heyrt þær raddir sem segja að mörg önnur mál hefðu verið heppilegri til að láta reyna á málskotsréttinn, það má vera ég veit það ekki. Aldrei hef ég verið kosinn forseti og ætla ekki að reyna að ljúga því að ég viti um þær skyldur sem því embætti fylgja. Ég veit hins vegar sem stjórnandi að stundum þarf að taka ákvarðanir sem eru ekki vinsælar. Það fylgir starfinu. Það vita allir þeir sem einhverju hafa þurft að stjórna.. hvort sem viðkomandi er forseti, verslunarstjóri eða húsmóðir.

Ég fyrir mína parta ætla að vona að fólk nýti rétt sinn til að kjósa og skili ekki auðu. Lýðræði er í eðli sínu byggt á draumum og hugsjónum og þess vegna er svo mikilvægt að við sem heild nýtum okkur rétt okkar til að kjósa. Ekki að leyfa okkur að afvegleiðast og gera okkur ómerk í lýðræðinu með því að nýta ekki atkvæði okkar til að hafa áhrif frekar en að taka einhverja afstöðu sem í raun segir ekkert. Kemur engu til skila.
Ef fólk vill koma skilaboðum áleiðis til forsetans eru margar leiðir færar. Það má skrifa í blöðin eða jafnvel til hans sjálfs! Ég veit ekki hvort hann er með símatíma en ég þykist vita að hann sé með viðtalstíma og þá er mál að hringja á skrifstofu forseta og panta tíma. Það mun skila þér meiru en einhver óljós skilaboð sem enginn kann að ráða, því ekkert er hægt að lesa af auðu blaði.

Hvað hina frambjóðendurnar varðar þá eru þeir í stóru myndinni aðeins lítil peð.

Baldur Ásgeirsson er okkur alveg ókunnugur. Held að það þekki hann enginn, enda hefur hann verið í útlöndum í einhver ár. Ef hann hefði komið fram fyrir ári síðan hefði kannski eitthvað unnist hjá honum en hann kom bara allt of seint til að hægt væri að sjá fyrir víst fyrir hvað hann stendur fyrir.
Ég hefði þó aldrei kosið hann eftir að ég frétta að hann leggði bílnum sínum í stæði merkt fötlum við blokkina sína. Stæði sem ætlaður er, og merkt, bíl einstæðrar móður með mikið fatlað barn.. Já, Baldur Ásgeirsson forsetaframbjóðandi leggur í stæði fyrir fatlaða. Þið fyrirgefið þótt ég hafi misst allann áhuga á að kynna mér fyrir hvað Baldur stendur fyrir. Greinilega einhver skítakarakter eða bara ofboðslega tilitslaus.. hvort heldur er þá er hann ekki manneskja sem ég kæri mig um sem forseta.

Svo er það hann Ástþór Magnússon. Elsku besti Friður 2000. Það er svoooo sorglegt með þennann mann. Hann hefur allar þessar fínu hugsjónir og ég verð að segja frábærar hugmyndir en hefur eyðilagt virkilega fyrir sér með sinni framkomu og skítkasti í gegnum tíðina. Það er litið á hann sem vænusjúkann geðsjúklinga. Með fullri virðingu fyrir áhuga hans á að herma eftir aðferðum grasrótarhreyfinga með táknrænum mótmælum þá held ég að hann eigi aldrei eftir að komast yfir tómatsósuatvikið. Hann kemur fram eins og trúður. Því miður. Ég, fyrir mitt leyti, væri alveg til í að eiga einn svona friðarforseta. En því miður hefur Ástþór með framferði sínu og öfgafullri og vænusjúkri hegðun komið í veg fyrir að hann verði nokkurn tíman tekinn alvarlega á Íslandi. Það er þunn lína á milli snildar og geðveiki. Því miður hefur hann Ástþór farið yfir þá línu of oft.

Jæja, ég held að ég láti þessari predikun lokið í bili og fari og standi við stóru orðin svona áður en kjörstaðir loka.

Munið líka að lotta, potturinn er þrefaldur í kvöld.

Ég óska ykkur gleðilegs kosningardags og vona að þið látið ykkur lýðræðið varða og skilið ekki inn auðu.

x- ace

jávser

2004-06-24T23:17:00.000Z

Which British Band Are You?

Þætti gaman að sjá hvað hún litla systir mín fengi á þessu prófi.

Blood on the dancefloor

2004-06-16T00:01:00.000Z

Sælir vinir,

Long time no blog... eða þannig.
Það er nú s.s. ekki búið að vera neitt hevy action í gangi undanfarið. Fór samt með henni skvísu út um helgina, fórum í tvítugsafmæli samstarfskonu hennar á Pravda.. var mjög fínt.. ef frá eru talin sætin í hliðarsalnum sem við vorum í. Voru svona 15 cm frá jörðunni þannig að maður sat með hnén í andlitinu, með tilheyrandi bakverkjum og liðaverkjum þegar maður stóð loksins upp. En það var frítt áfengi og svo var hann Svabbi að spila á gítar í partýinu og ég og skvísa sungum náttulega eins og lungun leyfðu. Síðan þegar partýinu lauk, rétt um 1 held ég, var stefnan tekin á Glaumbar. Við sátum þar og drukkum og dönsuðum og þá einmitt kemur að því sem ég vitnaði í í titlinum á þessum pistli nefnilega "Blood On the Dancefloor" jú við vorum þarna í þvílíku grúvi og getiði bara hvað jú einhver helv... klaufinn hoppaði ofan á fótinn á mér með þeim afleiðingum að það brotnaði nöglin á miðtánni á hægri fæti.. ég er enn að bíða eftir að sjá hvort hún er alveg dauð eða hvort hún hefur það af.. will keep you updated.
En þess utan var þetta mjög gott kvöld. Síðan kom Ösp frænka mín að sækja mig og við fórum heim til hennar og gláptum á endurunnin ljón snilldar mynd sem ég mæli hiklaust með. Síðan var sofið fram eftir degi og síðan ekki sögunni meir..

þ.e. lítið meira að frétta.. er búin að vera á kafi í vinnunni og er svo fegin að vera að fara úr bænum að ég get varla andað.
Jú reyndar hún Lonni Björg kíkti í heimsókn í vinnuna til mín í dag. Var allt of langt síðan við sáumst síðast. Vona bara að við náum eitthvað að sjást áður en þau fara í bústað.

Allavega nóg í bili,
segi ykkur hvernig fer með akureyrarferðina þegar ég kem til baka

góðar stundir,
ása

djö... tölvu fikt

2004-06-12T02:41:00.000Z

Jæja,

mig langar að biðja alla þá sem hafa nokkurn tíman commentað á síðunni hjá mér afsökunar. Ég lenti í erfiðleikum með síðunni eins og þeir sem komu hingað í þessari viku sáu þá voru tenglarnir mínir komnir neðst á síðuna hjá mér... alla vega til að gera langa sögu stutta þá krafðist þetta ýmissa æfinga af minni hálfu og niðurstaðan varð sú að gamla comment kerfið mitt datt út.. ásamt öðru... og þar með öll þau comment sem nokkur hefur komið með. Sowy :p

Hef samt ákveðið að líta þetta jákvæðum augum og ætla að halda mig við comment kerfið sem blogspot býður upp á. Vona að það detti ekki út.

Annars lítið að gerast eitthvað..

skrifa kannski eitthvað meira um helgina.. eða á eftir

friður út..

ása

E.s. ég þurfti líka að setja tenglana mína aftur upp og bætti nokkrum við.. ætla að vera duglegri við að setja inn tengla hjá fólki sem mér finnst spennandi.

Life is not a poem to be read outload...

2004-06-10T14:21:00.001Z

Life is not a poem to be read outload...
...but a verse better savourd in silence...

Þetta skrifaði ég einhvern tímann á mínum yngri árum. Soldið satt... held ég bara. Ótrúlegt hvað maður lifir að miklu leyti inni í sér. Mis mikið samt eftir tímabilum. Ég er að lifa inni í mér þessar stundirnar. Líður nokkuð vel, en samt. Æ... ég veit ekki.

Ótrúlegustu hlutir að hrærast um í mér og ég veit eiginlega ekki í hvern fótinn ég á að stíga... hlakka ógeðslega til utanferðar að ári...en það er að ári. Of langt til að maður geti í raun látið sig hlakka til án þess að gera lítið úr þeim veruleika sem maður þarf að lifa við þangað til.

Er að gefast upp á að vera í svona lélegu líkamsástandi en sé samt ekki neina leið sérstaklega til að gera eitthvað í því.
Er að drepast úr þreytu einhvern vegin... NB. ég er ekki að biðja um megrunarráð...

En maður heldur áfram þó lífið standi í stað...

Kannski skín sólin á morgun...

Kannski skín ég á morgun...

Kannski...

Varð...

2004-06-10T14:21:00.000Z

I'm a generally unfuckwitted, liberal, not-too-generous, not-too-selfish, relatively well adjusted human being!
See how compatible you are with me!
Brought to you by Rum and Monkey

Halló Akureyri...

2004-06-04T12:52:00.000Z

...here I come.

Jæja, ætla að skella mér í sæluna á Akureyri... but didn't you know it... það er spáð rigningu. Ég held að þessi meiningin norðanbúa að alltaf sé gott veður á Akureyri sé byggt á goðsögu frekar en veruleika.

Vona að allir eigi sem ánægjulegasta helgi og skora á sp að láta mig vita hvort sp séu upphafstafir í nafni eða eitthvert uppnefni.

góða helgi,
Ása Björg

jáhá

2004-06-02T15:32:00.000Z

jáhá
Held bara að þetta eigi eftir að koma sér vel að geta sent email á bloggið mitt, það sér það nefnilega enginn að ég er að slæpast og halda allir að ég sé bara að senda enn eitt leiðinlegt vinnubréfið... fyrir utan náttulega að ég er aldrei leiðinleg!

Þetta á eftir að verða langur og leiðinlegur dagur skal ég segja ykkur. Það eina góða er að mér sýnist ádí bloggið http://blog.central.is/bladi ætla að virka, veltur reyndar á því að fólk, aðrir en ég s.s., skrifi eitthvað þar. Bíð spennt eftir að það gerist, en ætla nú að halda áfram í minni göfugu vinnu.

Eitt að lokum þó. sp hefur eitthvað verið að hæðast að mér af því að ég er ekki að fatta hver viðkomandi er. Það eina sem mér hefur dottið í hug hingað til er sverrir perri en fannst það samt svolítið kljent. Bið því sp að koma með einhverjar haldbærari vísbendingar en ' þá kom hinn ungi konungsson' því ef þið vissuð það ekki þá er ég ljóska og ekki mjög góð í svona gátum!

ace out

Bara að prufa

2004-06-02T01:29:00.000Z

Ef þetta virkar þá er það snilld. Ég er s.s. að prufa að emaila bloggið
mitt. Held að ég gæti verið aðeins duglegri með því að gera þetta svona,
enda sendi ég að jafnaði 5-10 email á dag.

jepsí pepsí,
sjáum hvað setur,

Ása

Dagur...2!?

2004-05-31T15:17:00.000Z

Ok, ok.

Þið getið hætt að skamma mig fyrir að skrifa ekki neitt. Ég hef bara ekki verið í stuði. Einhvern vegin hægðist bara á öllum ákafanum og ég hef ekki nennt að koma nálægt tölvunni eftir að heim er komið á kvöldin.
Ég hef hins vegar verið á fullu í magadansinum 2 kvöld í viku og ég verð að segja að þetta er da bom. Ekkert smá gaman, enda ætla ég að halda áfram á framhaldsnámskeiðið núna í júní. Ég fíla mig reyndar enn eins og fíll í postulínsbúð en ég er að ná hreyfingunum þó að tæknin og liðleikinn leave something to be desired. Aðallega er þetta samt bara alveg æðislega skemmtilegt, enda hef ég ekki átt mér alvöru áhugmál frá því að ég hætti í kórnum. Hef saknað þess alveg ógulega svo að maður tali ekki um hvað það gerir manni gott að fara eitthvert annað en beint heim nokkur kvöld í viku.

Því miður hefur ekki gerst mikið í íbúðinni. Við erum öll búin að vera svo uppteking af vinnu og áhugamálum. En stefnan hefur verið sett á mánaðarmótin ágúst-september með að setja á sölu þannig að við þurfum að fara að drífa okkur að taka til hendinni.

Ég fer norður um næstu helgi, en þá verður verslunarstjórafundur. Sem er reyndar helv... gaman. Var alla vega seinast. Gistum á gistiheimili í miðbænum og höfðum það bara gaman. Við vorum líka búin að tala um að hafa grillveislu núna heima hjá Siggu (sp?) og það verður öruggt partý ársins. Ég á von á að sjá samtarfsmenn mína fara hamförum, enda allt of sjaldan sem að við getum skemmt okkur saman.

Ég og pabbi fórum í gær í góða veðrinu og villtumst um Öskjuhlíðina í 1 og 1/2 tíma í 20° hita, var alveg geðveikt. Vona bara að við fáum fleiri svona æðislega daga í sumar.

Þetta eru svona helstu high lights af lífi mínu síðasta mánuðinn, ég þakka þeim sem lásu.

peace out,
ása

Dagur 1

2004-05-05T09:25:00.000Z

Kæra dagbók,

Í dag er dagur númer 1.

Afhverju?
Jú, af því að í gær seldi ég bílinn minn. Þar með var tekið fyrsta skrefið í áætluninni 'Voyager à la France deux mille et cinq' eða 'Ferðast til Frakklands 2005' eins og ég kýs að kalla það.

Næsta skref í áætluninni er að selja íbúðina en við þurfum ýmislegt að gera í henni áður en við setjum á sölu. En við stefnum á að setja á sölu í haust.

Ég skal, ég skal, ég skal, ég skal, ég skal, ég skal búa svo um hnútana að ég komist út á næsta ári. Ég er búin að segja nánast öllum sem ég þekki frá þessu í þeirri von að ef ég virðist vera að guggna á þessu fái ég ekki bara eitt spark í rassinn heldur svona tuttugu. Ég veit að fólk mun ekki bregðast mér jafnvel þó ég sé ekki alveg viss um sjálfa mig.

Ég var samt að gera mér grein fyrir því að ég hef aldrei virkilega staðið á eigin fótum. Ég skal viðurkenna að ég fékk smá kvíðahnút í magann þegar ég fattaði það, en hann entist í svona 2 mínútur. Ég meina það er ekki eins og ég geti ekki séð um mig sjálfa!?
Ég er nú þegar að ala upp ungling, reka heimili, reka verslun og svo er ég að fá kvíðahnút í magann yfir því að þurfa að sjá um sjálfa mig, come on. Það er bara brenglun.

Ég hlakka núna bara til að sjá um sjálfa mig. Þurfa ekki að bera ábyrgð neinu eða neinum nema sjálfri mér... hmm... leyfðu mér að hugsa... ó mæ god... það gæti jafnvel verið einfaldara en það líf sem ég lifi í dag.

Ég fór í mat til Sverris á fimmtudaginn, ofsalega góður matur hjá honum. Hann vígði eldavélina sína og svona fyrir mig. Við settum líka upp bloggsíðu ÁDÍ Bindindi er böl en við áttum eftir að senda út póst til að geta skráð fólk inn svo að við getum hafist handa. En þetta er allt að koma.

Í kvöld ætla ég að kíkja í magadans með Dísu, verður örugglega æðislega gaman. Svo liggur helgin vel fyrir manni, er með nóg af útistandandi tilboðum, t.d. vídeókvöld, bíó, afmæli svo eitthvað sé nefnt. Auk þess sem ég þarf nauðsynlega að fara að komast í klippingu.

Svo næstu helgi eftir það er það þrítugsafmæli hjá henni Erlu og svo auðvitað Eurovision á laugardeginum. Það verður örugglega dúndur.

En held að ég ætli að láta hér staðar numið, enda í vinnunni og þarf víst að þykjast vinna eitthvað svo ekki komist upp um mig! lol eða þannig.

Ása

E.s. fékk komment undirskrifað s p hver er það? Svar óskast!

Linkar

2004-04-25T20:05:00.000Z

Rakst á þessa linka í USA today datt í huga að deila þeim

A family in Baghdad

Iraq the Model

Dear_Raed

BOBB

2004-04-25T19:38:00.000Z

jæja þá er enn ein helgi á enda að renna. Fór í BOBB til Sollu í gær. Var mjög gaman. Horfðum á vídeó sem var tekið í víðfrægri ferð Háskólakórsins til Bologna 2000. Var ekkert smá gaman að rifja þetta upp.
Var líka mjög í umræðunni að við myndum skella okkur saman til osló í febrúar á næsta ári, þegar hún Lulla okkar útskrifast sem doktor í lyfjafræði. Þá getur ÁDÍ loks státað sig að hafa doktor í okkar röðum. Verður örugglega mjög skemmtilegt og þá alveg spurning hvort ég myndi ekki framlengja minni ferð og kíkja á systur mína í Kongsberg, þar sem ég sé ekki sérstaklega fram á að komast til hennar þetta árið. En þau skötuhjúin ætla vonandi að kíkja heim í sumar.

Framundan er mjög busy vika þar sem ég ætla að gera mitt besta til að snúa búðinni minni við og aðeins hressa upp á hana. Aðalmarkmiðið með þeim æfingum er að spara okkur sporin með því að setja tengdar vörur nær hver annarri svo að við og viðskiptavinirnir verðum fljótari að finna til þær vörur sem óskað er eftir. Verður spennandi að sjá hvernig þetta gengur allt saman. Er búin að ráða tvær góðar vinkonur mínar í að hjálpa mér með þetta verkefni og bind miklar vonir við að við finnum bestu lausnirnar á þessu máli öllu saman.

Ætla í mat á morgun til hennar Díu minnar og Sverris hennar og svo ætla ég í mat til Sverris míns á fimmtudaginn. Tilefnið er fundur markaðs og almannatengslanefndar ÁDÍ sem við skipum einmitt 2 og er fyrsta verkefni á dagskrá að setja upp bládí sem myndi útleggjast sem Bloggsíða ÁDÍ. Og er það fyrsta skrefið einmitt í áttina að því að skipuleggja og styrkja hlutverk ÁDÍ sem félagasamtaka. thí hí... eða eitthvað. Verður allavega gaman að sjá þetta verða að veruleika... enda upphaflega mín hugmynd að sameina ÁDÍ í blogginu. Verður gaman að sjá þegar síðan verður komin upp hvort ÁDÍ-ingar verða duglegir að blogga.

Meira um það seinna.

ása

Gleðilegt sumar

2004-04-22T23:12:00.000Z

Er búin að vera léleg að blogga og hef reyndar ekki bloggað í næstum mánuð. Er búin að vera í einhverri niðursveiflu held ég hreinlega, samt ekkert alvarlegt. Hefur þó líst sér í því að ég nenni ekki að kíkja á tölvuna né að blogga.

Vinnan gengur ágætlega. Hlutirnir eru að jafna sig og ég trúi því að þetta hafi verið til góðs og eigi eftir að skila sér á allann þann hátt sem ég gat fyrirséð.

Páskarnir voru frekar fullir... eða var það ég sem var full um páskana? Það er svo erfitt að muna þetta rétt. lol
Fór í innflutningspartý til Díu á miðvikudeginum og endaði á að gista hjá þeim. Minnir að ekkert hafi verið í gangi á fimmtudagskvöldið en fór síðan í innflutningspartý til hans Edda, varð frekar vel í því eins og viðstaddir geta borið vitini um. Man ekki eftir að því að hafa verið svona full lengi. Átti síðan mjög timbraðann laugardag. Var á leiðinni í bústað og ætlaði að í alvöru að vera ógeðslega dugleg og vakna kl. hálf tíu...en nei.... komst ekki á fætur fyrr en kl. hálf þrjú. Hitti síðan frænku mína í mosó... rétt komst í ríkið áður en það lokaði.. sem betur fer sáu afgreiðslukonurnar í gegnum fingur sér og afgreiddu mig um 2 bjórkippur og 1 og 1/2 líter af blushi. Ég var mjög þakklát... eða þið skiljið... var ekkert gasalega æst í að drekka meira en samt ég meina ef maður ætlar í bústað þýðir ekki annað en að hafa bjór í pottinn... þ.e. til að drekka ekki til að baða sig.
Alla vega helgin var mjög góð drukknir 4 bjórir og nokkur vínglös og mikið spilað af dóminu og reyndar náðum við að meirað segja að drekka bjór og spila dóminó í pottinum og geri aðrir betur! lol

Síðan hefur nú mest lítið verið á döfunni.

Fór í dag.. svona í tilefni sumarsins... að labba með pabba í Heiðmörk. Var alveg yndislegt veður og við löbbuðum í góðann klukkutíma í veðurblíðunni. Ætla að reyna að vera dugleg að labba í sumar.. er bara svo hressandi.

Næst á dagskrá hjá mér er að það er BOBB hjá Sollu (ÁDÍ) á laugardag. Verður örugglega æðislega skemmtilegt.

Held að ég sé búin að skrifta í bili.

lofa meiru fljótlega
ása

í dag

2004-03-31T18:00:00.000Z

í dag var erfiður dagur.
í dag þurfti ég að taka á honum stóra mínu.
í dag held ég að ég hafi tapað sakleysi mínu.

ég tek huggun mína í orðunum sem ég setti efst á síðuna, skora á ykkur að lesa þau vel og velta þeim fyrir ykkur því ef farið er eftir þeim krefst það mikils af manni.

Þetta er vinnutengt og því get ég ekki sagt nánar frá þessu en ég þigg alla þá hlýju strauma sem þið eruð tilbúin að senda mér.

ég er búin í dag.

á morgun er nýr dagur.

ása

Check

2004-03-29T22:54:00.000Z

Sæl,

bara að stimpla mig inn. Hef í raun ekkert að segja. Var að fá minn eigin aðgang að tölvunni þannig að ég get loksins farið að skoða klámsíður af miklum móð. Yahooo.

ekkert meira í bili
ace

Ógó dugleg

2004-03-25T16:41:00.000Z

Eins og þið sjáið er ég ógeðslega dugleg í vinnunni, alla vega að blogga. Ég er annars búin að vera mjög dugleg við að taka til á skrifstofunni minni, því eins og þið örfáu sálur sem hafið verið svo heppnar að fá boð inn í þetta allra heilagasta þá er ég ekki snyrtipinni sérstakur. Get reyndar verið alger slóði með að taka til í svona pappírum og svoleiðis. Nennessu bara ekki. En ég er reyndar alltaf með ákveðið skipuleg, þið kannist við það --> skipulagt kaos, og það virkar alveg fyrir mig. En yfirstrumpurinn kom í gær í heimsókn og var eitthvað að finna að þessu við mig, (ég sem var nýlega búin að gera rosalegann skurk hérna) og ég sé þann kostinn vænstann að demba mér í þetta. Hann lofaði nefnilega að mæta eftir mánuð með tertu til að skoða árangurinn, þannig að ég ætla nú ekki að missa af því. Verra er samt að ég þyrfti alveg nauðsynlega að mála hérna líka þannig að ég veit ekki hvort ég næ því á þessum mánuði, en ég tekst alla vega á við draslið.

Greyið systir mín skammaðist sín víst rosalega fyrir föndurcommentið en ég meina, hitt var nú reyndar líka alveg satt að mig vantar eitthvað hobbý og væri alveg til í að fara að taka upp prjónana aftur. Var nefnilega að koma út ný prjónabók fyrir svona fólk eins og mig sem kann bara slétt og brugðið hún heitir Garnaflækja og ég spái henni mikilli sölu á árinu. Þetta er svona fyrir byrjendur, ungar stúlkur, sem langar að prjóna sér sjal eða húfu eða sms vettlinga!
Já, þið lásuð rétt sms vettlinga, það eru svona vettlingar sem eru með opnanlegum þumlum svo hægt sé að senda sms án þess að þurfa að taka vettlingana af sér! Ógó sniðugt!!!

En nú ætla ég að halda áfram að taka til,
bið ykkur vel að lifa að sinni

Eis

Come on baby light my fire - Slökkvuliðsmenn eru sexý

2004-03-24T15:04:00.000Z

Vaknaði of seint í morgun sem var synd því að ég átti að mæta á slökkvitækjanámskeið. Ég skreiddist inn í skólastofuna 1 og hálfum tíma of sein og brosti afsakandi til öryggisfulltrúans og slökkvuliðsmannsins sem var að halda námskeiðið. Horfði á hann nokkuð lengi (slökkuvliðsmanninn sko, ekki öryggisfulltrúann enda er hún kona og ég þekki hana alveg svona í sjón og hef talað oft við hana) því mér fannst hann kunnulegur... og viti menn... fattaði allt í einu að hann var einu sinni í slökkvuliðskórnum. Framhaldsskólakórinn minn söng með þeim nokkrum sinnum. Og ég mundi allt í einu að slökkvuliðsmenn, alla vega þeir sem geta sungið, eru helv... skemmtilegir gæjar! Og margir hverjir bara svolítið sexý.
Kannski á það rætur sínar að rekja til þess að maður veit að þeir eiga svona einkenningsbúninga og eru tilbúinir að hætta lífi sínu á hverjum degi. Það er eitthvað við menn í einkenningsbúningum, Þó ég verði reyndar að segja að ekki allir einkenningsbúningar kveikja í mér. Ég t.d. renn ekkert úr sætinu mínu af tilhugsuninni um gæjana í Securitas eða sem keyra strætó (sorry pabbi og Diddi pabbi, en þið mynduð t.d. ekki falla undir einkenningsbúningaregluna hjá konum!).

En ég er, held ég, bara týpísk kona og lögreglumenn og slökkvuliðsmenn, sérstaklega, bara gersamlega ná mér. Held ég myndi ekkert endilega henda þeim öfugum út úr rúmminu mínu.

Akkurat núna er ég t.d. að reyna að halda aftur af mér að reyna ekki að leggja til að t.d. ÁDÍ sæki um að fara í svona kynningarheimsókn á slökkvistöðina. Það væri nú reyndar ekki svo vitlaust sé horft til helstu áhugamála ÁDÍ, allavega innan félagsskapsins, að ætla að slysin myndu gerast og reyndar nú þegar ég hugsa um það þá er með ólíkindum að við höfum getað sloppið ósködduð, jæja næstum því ósködduð, frá þessu, hey þetta er ekki slæm hugmynd... Hey ég er snillingur... Never mind að ég hefði tækifæri til að skóba gæjana sem væru á vaktinni. Þetta er náttulega spurning um að setja öryggið á oddinn!!!!

Ég reyndar fékk að slökkva eld í morgun (í alvöru sko, þetta var ekki svona spurning um að slökkva eld í óeiginlegri merkingu), við fórum upp á Arnarhól og hann (slökkvimaðurinn) var með svona bakka sem hann hellti olíu í og við á námskeiðinu áttum að slökkva. Hann gerði nú dálítið grín af stílnum mínum en hann gerði nú meira grín að öðrum þannig að ég varð ekkert sár. En þar t.d. missti ég af alveg kjörnu tækifæri til að endurnýja kynnin ég hefði t.d. getað sagt eitthvað eins og "já stílinn? Ef þú mannst nú eitthvað eftir mér, og hvernig er hægt að gleyma? Þá veistu nú að ég hef stílinn í miklu magni..." nei ók þetta hefði verið ógeðslega hallærislegt en þið vitið ef ég hefði getað sagt eitthvað svona ógeðslega cool og fyndið. En ég var haldin svolitlum svona performance anxiety út af slökkvistörfunum og kom eiginleg ekki upp orði.

Geri mér núna grein fyrir því að þetta er sjálfsagt eitt lengsta blogg sem ég ef skrifað hérna og geri mér jafnframt grein fyrir að föndurgreinin mín hefur sjaldan verið sannari.
Auðvitað er þessi slökkvimaður of gamall fyrir mig, jafnvel þó hann sé sætur, fyndinn og soldið sexý (örugglega giftur líka með börn), en ef það þarf ekki meira en miðaldra mann í skítugum vinnugalla með gulann öryggishjálm til að koma mér í stuðið þá held ég að ég sé í vandræðum.

Mig langar líka til að þakka systur minni fyrir að svara föndurgreininni minni og ég væri alveg til í að föndra með þér t.d. að búa til hurðahún með bandspotta, glimmeri og klósettrúllu en það "föndur" sem ég minntist á í greininni myndi ég helst kjósa að gera með einhverjum sem er alla vega kominn í 5. til 6. lið í Íslendingabók...helst kk.

Fattaði nefnilega þegar hún svaraði að þetta "föndur" er náttulega kannski svona soldið major einkahúmor.

En ég skal viðurkenna að ég hefði lítið á móti því að föndra með slökkvuliðsmanninum..

... en hann þyrfti að sjálfsögðu að hafa gula hjálminn á hausnum at all times!

jíhhhhaaa,
ace

Lag dagsins: Light my fire - The Doors

Ace in space

2004-03-24T15:03:00.000Z

Rakst á þetta og varð að deila þessu með ykkur...

aceinspace

..er semsagt einhver í Kiss sem kallar sig Ace?

Heather Mills McCartney

2004-03-22T13:17:00.000Z

Var að lesa það mikla menningartímarit Hello, og rakst þar á grein sem stakk mig svolítið. Þar var hún Heather, íslandsvinur, að taka við viðurkenningu frá Lions fyrir góðgerðarstörf. Ágætis grein þar sem hún lýsir því hvernig þetta hafi verið góð áminning til hennar um að hætta ekki við góðgerðarstörf þrátt fyrir þá slæmu umfjöllun sem hefur verið um hana undanfarið. Þessi málsgrein stakk mig þó sérstaklega:

" I had a deal going through with an Icelandic prosthetics manufacturer so people all over the world could have legs like mine at a cheap price but they pulled out because they felt there was too much bad press associated with me. Only two companies in the world are able to make these limbs, so it's not just me who is hurt - thousands of other people's lives are ruined."

Þetta þykir mér ekki góð auglýsing fyrir Össur, né Ísland, og er ég alvarlega að hugsa um að skrifa þeim bréf og skora á þá að endurskoða afstöðu sína ef slæmt umtal var virkilega ástæða þess að hætt var við þennann samning.

Smá umhugsunarefni í boði Hello,
ace